［打鬥/靈幻/鬼怪］《輪迴。道》/《噬魂》我由古惑仔變咗做現代道士: 372《第二季》

「仁，航，你地返去？我車埋你地」啊武拿出車匙，好心想載我們回家

「唔洗，我自己返去」話畢，啊仁就獨個轉身離去

「唉….」我看見這樣，不禁嘆氣

「搞成咁…」啊武也感無奈

「算啦，聽日返工個陣我再同佢傾下啦」始終上班時間長，應該怎樣也能說上幾句





「好，咁我車你返去啦」

「好，唔該」

「屌，講依啲」

不知不覺，在啊武與我之間多了一種說不出的默契，而這種默契跟啊仁是沒有的，如果我不是有女朋友，我也擔心自己是不是「中途轉基」了

新的一天開始….





我早早就回到殮房，因為九叔昨晚跟我們說了今天呂醫生，即是夢晞，今天會有一個解剖手術要做，而且這次還會有警察在場

所以我就早點回來準備一會需要用到的工具和簡單清潔一下

「早晨，對唔住啊遲咗啲」啊仁氣喘吁吁的跑回來

「你都未遲到，大把時間啦」我看一看鐘，距離八點尚有大半小時

「冇理由要你一個人搞曬啲野㗎」啊仁走到我身旁，手踭搭在我肩膀上





「唔嬲啦咩？」我帶點挖苦的語氣笑問

「挑！我似係啲咁小氣嘅人咩，琴晚就冇嬲啦，我係大反應咗啲嘅」啊仁的表情也帶點歉意

「我就冇野啊，係唔知九…」

「咳嗯」一聲乾咳，正是我剛想說的人來了





「九叔早晨」我馬上請早

「嗯」九叔點頭





「九叔…早晨」啊仁遲遲才說

「嗯？我以為你以後唔返」九叔眼尾不掃啊仁便來到手術枱前查看工具

「點會啊！九叔！琴晚係我一時意氣用事！對唔住啊！我下次唔會再係咁㗎啦」啊仁低下頭道歉，像極了小朋友做錯事跟爸爸道歉一樣

九叔沒看啊仁，繼續檢查工具

「呃….」啊仁用眼神跟我求救

「九叔啊，我仲有好多野做啊，我驚我一個人趕唔切做啊」

「做唔切唔識搵人幫手？大大個人企咗係到」九叔看一眼啊仁再看我





「即係點啊？」啊仁用口型跟我說

「即係九叔唔嬲你囉，去做野啦！」我笑著衝去啊仁身旁，推他出去

「多謝九叔！！我做野先！」啊仁懂九叔意思後，臉上的擔憂都消失了

我跟他離開解剖室，去往其他地方工作

「嘩！嚇死我啊！幾驚九叔真係嬲咗我啊」啊仁面向我，不斷出拳打我的手臂

「喂死仔！開心還開心啊！都唔好係咁打我啊！」我舉起拳頭

「打你咪打你！隻抽啊！」啊仁繼續揮拳

所以我也決定不客氣，還擊！





「隻抽咪隻抽！驚你啊！」我也往啊仁揮拳

看上我們就像小朋友在打鬧一樣，而我們打鬧到一個轉角處時撞到人了

「哎！唔好意思！」

「對唔住！」

我們連自己撞到誰也不知，就連忙道歉

「喂，睇路啊！」被我們撞到的人態度不太友善







我們一看，是一個身穿墨綠色外套，短髮，身型微胖的中年男人

「唔好意思啊，我地冇心㗎」我再次向他道歉

「我都知你冇心，有心就拉你返㗎啦」中年男人拍拍自己衣服，好像生怕我們身上很髒一樣

「陳sir，你冇野啊嘛？」中年男人身後的男子問

「冇，我地入去啦」中年男人帶著男子前往解剖室的方向

「陳sir….佢應該就係今日嚟睇呂醫生解剖嗰個差佬」我說

「都似係啦，個格咁衰」