［打鬥/靈幻/鬼怪］《輪迴。道》/《噬魂》我由古惑仔變咗做現代道士: 363《第二季》

「我都唔知」啊武高手護頭，已擺出了格鬥的姿勢

「英叔講過結界入面有色餓鬼、巫靈、血黑鬼，依隻一定唔係色餓鬼」我說

「點解你咁肯定啊？」啊仁問我

「呃…因為我前兩日見過」

「死仔啊！咁大件事你唔講」





「依個時候我地係咪應該專心啲呢？」在旁的啊武說

「你啱！」我和啊仁點頭

「佢嚟啦！」啊仁指著那神似催狂魔的物體

「閃！」我低身前滾

啊仁啊武左右跳開，「催狂魔」突然以高速向我們衝來





「我地唔知佢咩料，唔好同佢硬碰啦，退！」我翻滾後瞬間站起再說

「後面樓梯！」啊武提出

「好！」

「行先！我跟住嚟」話畢，啊武往「催狂魔」跳去，用攝魂手套捉著他

「上！」我跟啊仁跑往樓梯，並提示啊武我們是往上走





「得！」

啊武使勁把「催狂魔」拉下，然後捉著他原地轉圈，像擲鍊球一樣把「催狂魔」拋走

「嚟緊！」啊武一鬆手就馬上跟上我們

這次的訓練在這一刻，正式開始




「直接上到頂啦，逐層搜落去！」我帶頭跑著樓梯，正回頭跟他們說話

「小心！」在我回頭的剎那，啊仁指著我前方





我一聽到啊仁的叫喚就馬上剎停腳步，身軀往右向扶手靠去，一隻「催狂魔」在我面前掠過

「呼…..好彩」跟「催狂魔」只有一尺之遙的我靠著扶手鬆一口氣

跟我擦身而過的「催狂魔」直衝向我身後的啊仁，啊仁急中生智，他一下停住腳步並將短斧舉在自己的面前，「催狂魔」順勢被短斧一分為二，趕到啊仁身後的啊武更作出補刀，捉着「催狂魔」的其中一邊，按在牆上磨擦

「繼續上！」

我邊跑邊回頭看，發現即使「催狂魔」受到如此重的傷害，被一分為二，也會很快重新癒合

「唔撚係掛….」看到這樣的畫面我也是無語

但終於，我們也算是有驚無險的到達了頂層

「開始搜！」





……….
十分鐘過去，倒楣的我們搜了十層都找不到白布帶的蹤跡，不過怎慶幸的是，這十分鐘都沒遇上群鬼

我們商議下覺得頭十層都沒遇到群鬼，這裏應該相對安全，所以決定三人分開合作，15分鐘後地下中庭集合

十五分鐘又過去…

「死啦，我地會唔會一個鐘入面一條都搵唔到㗎」啊仁帶點頹廢的走到來集合

「可能依橦樓冇，我地試下去商場睇下」同樣食白果的啊武提議

「啱，商場應該點都有一兩條」我認同啊武的提議






但我跟他們有一點不同

「航！你搵到白布帶？！」啊仁看到我手上的東西

我舉高，正是我們的目標—白布帶！

「你係邊到搵到㗎？！」啊仁興奮的捉著我

「十二樓樓梯嘅欄杆，綁得好鬼鼠，我諗係英叔綁嘅」

「你點知係英叔綁㗎？」啊武問我

「你睇下」我將白布帶拉直，白布帶的一邊末端有一個被煙頭燙穿的一個孔

「睇個樣應該係比煙頭辣穿」啊仁靠前看





「咁係英叔啦，佢煙不離身嘅」身份英叔弟子的啊武也認同是英叔所綁的

這都是題外話

「好啦，咁去商場個邊睇下」

我們現正身處樂山樓，在四樓平台的出口一出就會到達商場的天台位置

我們輕聲的將四樓的門打開，外面的世界同樣是被一層淡綠色覆蓋著

一步出大樓，我們抬頭仰望…..

滿天都是「催狂魔」，他們在半空上盤旋著

「洗唔洗啊…..」啊仁無奈的表示

「九叔今次好似玩大咗啲….」相信我跟啊仁的感覺

「唔好理啦，快快手行啦」走在最後的啊武說

嘶！！

一聲奇怪的聲音從我們的左邊傳來

嗷啊……

「左邊！」啊武指著我們左邊的一草叢