［打鬥/靈幻/鬼怪］《輪迴。道》/《噬魂》我由古惑仔變咗做現代道士: 362《第二季》

「英叔！你睇唔睇到？」我瞪大雙眼看著彎刀

「下？睇咩啊！依到又冇靚女睇」英叔這樣回答，應該是看不到了

「唔通我眼花？……」

也許是吧，不理了，繼續收拾其他有用的工具

「你地呢？你地揀成點？」英叔上前關心他們二人





「我就拎依把短斧同桃木劍，一長一短」啊仁拿著短斧揮舞著，看上去也算順手

「好，咁你呢武仔，揀好未？」最後是啊武了

「我…..可唔可以唔帶武器？」啊武提出一個驚人的想法

「下？！啊武你講笑咋？入面咁多鬼，你唔帶武器想死咩！」在啊武側旁的啊仁想勸阻啊武

「係囉，始終會有危險」我當然也會出聲





「我想識下用自己依家嘅實力，足唔足以應付」啊武握緊雙拳

「好！同我想像中嘅一樣」英叔欣慰的點頭

繼而英叔在腰間拿出一對皮製手套遞給了啊武

「武仔，拎住」

「依對係….」啊武看著手套





「依對係我幫你特製嘅攝魂手套，浸住符水係神壇前面煉咗七七四十九日」英叔擺出了滿臉自豪的樣子

「為我整….？」啊武有點受寵若驚

「雖然我地唔算係正式師徒，但你跟我學野，我就當你係我半個徒弟㗎啦，依份就當係我送比你嘅禮物，戴住依對攝魂手套，就算你冇任何嘅道行同法力都可以接觸到鬼魂同攻擊佢地」

「多…多謝英叔！」啊武接過手套並緊緊握著

「不過我建議你都係帶返把桃木匕首係
搒身好啲嘅，始終唔知會發生啲咩」英叔拾起枱上的桃木匕首，遞向啊武

「好！」

「好，夠鐘，出發！」九叔從搖椅站起







「我地要點入結界？」我問

「跟我嚟」九叔打開大門

「出面？」啊仁疑惑

九叔在鞋櫃頂拿起六根檀香，分開三支三支的，分別插在門口的兩則，然後在腰間拿出一道黃符，貼在門的正中

「開辟分地，入我領土，開！」九叔唸出咒語，隨即，門外的空間像是被蒙上一層淡綠色的薄霧

「出面就係我預先整好嘅結界，限時一個鐘，範圍係象山，你地行出去就正式開始」

九叔站到門的一邊，等待我們出發





「一個鐘後我同佢會嚟接你地，同埋依家加多一條規矩，最後靠實力拎得最多白布就贏」

「好！！」

我們仨正式出發！

我率先踏出大門，一離開九叔的家門身上也像被蓋上一層淡綠

啊仁啊武也步出了大門

「喂！你地睇下」站在最後的啊武叫說

「做咩事啊？」我轉身





「我地入唔返去」啊武伸手向大門

但大門已被封鎖了，就是有一個屏障擋住了，任啊武怎推也進不去

「依一個鐘，你地唔洗打算返入嚟，因為唔會返到，直至一個鐘後」九叔的聲音從結界外傳入

「下….連避風塘都冇埋」啊仁這樣一說

無助感瞬間來襲

「唔好理啦，我地快手啲搵曬啲白布帶好過」

我硬撐起帶頭的角色






「咁我地依家係邊到開始搵起好啊」啊仁問我

「um ……由….由依橦樓開始先」說真的，其實我也不清楚該從何起手，但從原地開始總不會錯吧

「都好嘅，我都覺得英叔會係起點附近綁咗一兩條」啊武戴上英叔特製的攝魂手套

「咁我地逐層快搜，一個鐘唔係好多時間」我手握緊彎刀

「好，我地三個一齊行，應該冇事嘅！」啊仁也提起膽

嗖！！

突然一團黑影在我們三人面前掠過

「嘩！咩嚟㗎！」啊仁被嚇了一驚

「退後！」我自覺的揮刀

黑影中刀後飛遠，遠距離一看，黑影像極哈利波特中的催狂魔


「他」具有人形，全身卻像披著一塊黑色破布，身體懸空，就似外國人傳統眼中的白布幽靈一樣，只閃他是黑色的，他沒有眼睛，而嘴的部位像是被縫合起來

「依…依隻係咩嚟？！」