［打鬥/靈幻/鬼怪］《輪迴。道》/《噬魂》我由古惑仔變咗做現代道士: 339《第二季》

「啊航啊，其實琴日你係點撞到人啊？要驚人地嚟搵你報仇」啊武突然問起

我和啊仁都呆一呆

「唉啊，係我衰嘅，佢琴日唔舒服啊嘛，已經腳軟軟㗎啦，我又唔小心推咗佢一下，咁佢咪成個人撲落去人地到囉，搞到人地成身都係野飲」啊仁又即場編出一個謊話

「咁佢地都幾惡下，咁就話要搵人報仇，如果比啊焯聽到一定會插手」

「會插手？」





「係啊，你唔好睇佢兇神惡煞咁啊，其實佢好有正義感㗎」

「咁又睇唔出喎，因為…佢個樣真係幾惡」

「有一次同佢去食飯，見到有幾個人，睇個樣似係古惑仔啦，飲醉酒係到發癲，推跌咗個婆婆，啊焯見到即刻衝埋去扶起個婆婆」

啊武說起往事

「咁然後呢？？」





「然後？然後班醉酒佬夠膽推啊焯，啊焯本來都諗住忍㗎啦，點知班醉酒佬自己出手先，咁啊焯咪出手囉，都唔洗三十秒啊嗰幾個醉酒佬就口腫面腫咁瞓低咗啦」

吃完早餐後，我和啊仁在啊武的陪同下回到殮房

「死啦，搞到我好似女咁，要人送我返工….」我也是無奈

「唔緊要啦，你依幾日咪當自己係女囉」啊仁在一旁幸災樂禍

「安全最緊要啦，咁我返拳館啦，再見」啊武向我們道別





「好，拜拜」

…….

時日飛快，四天好快便過去，今天將是啊武送我上班得最後一天

這四天總算是無驚無險

「都五日啦，我估佢地唔會搵上門㗎啦」我說

「都係嘅，咁我送埋今日就功成身退㗎啦」

「真係麻煩曬你啦」即管本來我是不太願意，但啊武在這幾天的確是真心打著義氣的本來送我的

「大家老友唔洗講依啲」啊武揮揮手





「你地兩個….想點，一個多謝，一個唔洗客氣」在旁的啊仁插話

「咁咪唔講囉」我攤攤手

「行啦，食早餐啦」

今天也是如常去晨光餐廳

剛坐下，我和啊仁就發現不妥

我們正前方有一個男子背對著我們，他身穿紅黑外套….

「仁…」我悄悄叫啊仁





「我見到…」啊仁也注意到同樣的事情

「咁點啊？」我問

「睇定啲先，唔好出聲」

於是整程早餐我和啊仁都將注意力放在那紅黑外套的男人身上

「依到咁多人，佢應該唔會出手掛….」我說

但我剛說完這句話，那男人便突然回頭看著我們，擺出一個詭異的微笑

「？！」嚇了我倆一跳

啊武亦於這時留意到我們的反應





「你地做咩啊？」啊武轉頭望向身後

跟那男人對視了，男人轉回前方，沒有理會啊武

「冇事啦冇事啦….」啊仁慌張的說

「好彩有啊武係到」

「你地覺得佢係搵你地嘅人？」啊武傾前些許問我們

「應該係啊」

「睇個樣就似啦」





「好」啊武點頭

那男人突然起身，啊武馬上也跟著起身，男人離開座位，向我和啊仁走來，而其間一直跟啊武對視

啊武開始握緊拳頭，準備隨時來的突發事情

男人一步一步逼近，我和啊仁便愈趨緊張，都快要呼吸不到

但轉折又來了

男人直接掠過我們，走到後面的一桌

「喂，你又係到食早餐嘅」

「我成日係到食㗎啦」

……..

原來那男人不是看著我們，而是我們身後的人，啊武亦無奈地坐下

這我們才敢鬆一口氣

吃完早餐，我們離開餐廳，我和啊仁都變得相對輕鬆

「唉～應該冇事㗎啦」啊仁說

「係囉，自己嚇自….」我說到一半

我面前突然出現一個人，令我撞上去了

「早晨」那人說

然後我和啊仁就被一股強大的吸力牽扯著走，完全無法掙脫