［打鬥/靈幻/鬼怪］《輪迴。道》/《噬魂》我由古惑仔變咗做現代道士: 338《第二季》

翌日清晨

時間是早上六點三十分

平時的我理應還在睡覺，但今天我卻被一通電話吵醒了

致電來的正是啊武

「喂！啊航早晨啊」





「喂…..」本還在夢鄉的我被強行拉回現實

「嘩，你仲未醒啊？我都跑步跑到你樓下啦，快啲落嚟啦」

「我返九點喎….」

「食個早餐，散下步消化下，差唔多㗎啦」

「……好，咁你等我一陣，我依家起身」





「好，等你，我係附近跑多個圈先」

「嗯….」

掛斷電話

「呵嗚….」打個呵欠

「搞咩啊…六點半」對於昨晚兩點多才睡覺的我，簡直是折磨





但啊武一番苦心，是要來保護我….也不能不理他，所以我決定…

「喂！！仆街仔！起身！！」

我決定致電給啊仁，把他也弄醒，畢竟是他幫我答應啊武提出的保護，所以他才是罪魁禍首

「咩料啊….航哥…」啊仁無奈

「起身屙尿啦！死仔！」

「玩咩啊….」

他看一看時間

「六點幾咋大佬….我仲有成個幾鐘可以瞓㗎」他抱怨道





「你都知呢！！就係你幫我應承啊武，佢已經係我屋企出面啦！！」

「嘩…我點估到佢咁早姐….」啊仁也是認命了

「好啦，嘈醒咗你，我就起身啦，再見」

「我..」聽到個我字也猜到啊仁要說什麼了

所以，我直接掛斷了電話

然後就去洗手間梳洗一下，也不要啊武等我這麼久了

我從洗手間出來





「今日咁早起身？」啊姨突然出現，嚇我一跳

「嘩！啊姨嚇死人咩」

「係啦，咁易嚇得死啦，咁早起身做咩」

「有個朋友嚟咗搵我…所以咪要起身」說起我也是一臉無奈

「朋友？你個死仔，瞞住洛兒搞咩啊」啊姨伸手打我屁股

「哎啊！男仔嚟㗎！！」我馬上澄清

「仲衰添！死仔」啊姨笑著多打兩下

「姨啊！細力啲啦！痛㗎！」





「又話練半拳又話大隻，打兩下就痛，冇鬼用」

「啊姨，我唔怕痛你就驚啦」我扮鬼臉的靠向啊姨

「亂講野！」啊姨又打我一下

「又話有朋友等緊你，快啲換衫啦！」啊姨推我回房間方向

「好好好，依家就換啦」

之後，大約十五分鐘我就出門了

由於我住在關門口邨的村屋，所以我一出門就見到啊武





「早晨」啊武先向我請早

「早啊，呵」我還在打著呵欠

「做咩啊？我太早到，嘈醒你啊？」

「呃….都唔係嘅」我尷尬回答

問得這麼直接，難道我直接說：「係啊，平時我七點幾八點先起身㗎」

「咁都好啲，我平時五點幾六點就起身㗎啦，拳館又冇咁早開，所以我多數都會跑下步」啊武說

「你真係健康到…..有啲過分」

「哈，係咩？我好似習慣咗lu～依幾年日日都係咁」

「點做到㗎….日日咁早起身，又操咁耐，唔攰㗎咩？我就做唔到啦」對我來說，啊武的生活就好像地獄般的生活

「都冇話咩做唔做到嘅，我相信只要堅持，邊個都得」啊武堅定又謙虛的態度，的確是值得人尊敬

「走啦，去食個早餐」啊武搭著我

「咪住！依家咁早，大把時間，我地去個地方先」我露出奸笑的表情

「去邊啊？」啊武疑惑的看着我

「哈！」

半小時後….

「喂！你得未啊！」我拿著電話說

「咪落緊嚟囉！！嘈嘈嘈！好眼瞓啊」

的確，我也從電話和現實都聽到他的聲音，還有下樓梯的聲音

下來的是啊仁，他住在荃灣仁濟醫院附近的唐樓，所以和我家也不算遠

「終於落嚟啦咩」我問他

「大佬啊，七點幾咋，你仲想點啊」啊仁的眼睛還腫腫的，一臉未睡醒

「行啦，去食早餐啦」我拉著一臉懵樣的啊仁

啊仁跟啊武對視到

「早晨啊」啊武也是禮貌的先請早

「早啊….」啊仁深知啊武是令自己不能好好睡覺的「兇手」，所以便瞇起眼看著他

「你想食咩早餐啊？麥當勞？」啊仁問我

「唔食，由細到大都唔中意食佢啲早餐，搵間餐廳食啦」我說

「咁一係漢都，一係晨光啦，依到最近就依兩間」啊仁提議

「咁邊間好食啲？」

「晨光啦，我成日都覺得漢都污糟啲」啊仁說完便帶路，往仁濟醫院方向走去