［打鬥/靈幻/鬼怪］《輪迴。道》/《噬魂》我由古惑仔變咗做現代道士: 218

《啊武視覺》


我收到洛兒給我的地址後，我以我最快的方法趕到去現場

去到工廠時，工廠的中閘已被人拉開了，應該就是啊烈他們，我放輕腳步的走進內，舉起手戒備，準備隨時開戰，畢竟內裏的情況沒人知道

我原本以為這裏會是那種擺滿著貨物的舊貨倉，猜不到內裏竟是一條窄小的走廊，兩旁是一間又一間的房間

走廊盡頭有一堆瓦礫，牆身都穿了一個洞，看來這裏發生過一場激戰，我加快腳步，走到瓦礫堆旁





「咁大灘血...出事」我心裏閃過無數個不好的想法，我帶著緊張又害怕的心情轉彎

轉彎後，我看到啊烈和十方倒坐在牆邊，我馬上「連爬帶仆」的飛奔過去

「啊烈！十方！」我瘋狂的搖晃他們

但他們全都沒有反應，我把手指放到他們的頸動脈處，二人都尚有呼吸脈搏，當我靠近點時，聽到.....

他們竟然打鼻鼾！？睡著了？！





「喂！！」我拍打他們二人的臉龐

「醒啦喂！！」

「嗯...武？」啊烈率先醒來

「我係咪死咗....」十方也接著醒來

「唉，你地終於醒啦」我鬆一口氣





「嗯...等陣！啊武？！點解....」啊烈這才反應過來

「啊武？！」十方被啊烈的反應嚇醒

「哈，你地終於望到係我啦，說來話長」我笑說

「返嚟就好！」啊烈激動的上前抱著我

十方站起來，摸一摸自己的肚皮

「好返？...」十方疑惑地自言自語

「咩事啊？」我問





「十方同我啱啱都受咗重傷....但依家全部好返曬」啊烈說

「我記得啱啱我臨瞓著之前，嗰個女人行咗埋嚟」十方說

「媚娘....佢對我地做咗啲咩」啊烈眼神有點飄忽

「咁....你地有冇覺得...身體有冇咩唔同？」這問題非常重要

「.....應該冇」十方遲疑的說

「我肯定自己仲係人」啊烈確定的說

「咁就得啦，返去啦，無極門個邊都出咗事」我望向十方

「望住我做咩啊？.....師父？！我師父做咩啊？」十方猜到我看著他的原因





「洛兒同我講.....」

我將無極門的事情都告訴他們

「師父...點會變咗殭屍...冇可能㗎」十方的內心有點崩潰

「連九叔都....」啊烈都顯得無奈

「咁我地依家可以點....我地仲可以點」十方無助的倒坐在地上

「得返我地三個....」啊烈也靠在牆上

「一夜間，師父、九叔變成敵人，英叔嘅身體狀況應付唔到戰鬥，仲有啊航....」十方頹廢的數出問題





「唉...唔通我地真係會輸？」啊烈說

「我有方法救到啊航！」我說

「你？！有咩方法？」十方極大反應的問

「返去你地就知！」

於是，他們帶着忐忑的心情跟我回到無極門

「你到底有咩方法救到啊航？神神秘秘咁」啊烈問

「係囉！有咩方法就快啲講啦，睇下我地有咩幫到手」十方附和

「你地唔洗幫手，交比我就得啦」我笑一笑





「你一個人搞得掂？」啊烈對我半信半疑

「信我一次」我自信的說

「好..」他們點頭

我走到啊航旁邊，閉上雙眼，集中精神

「呼...哈！」我渾身發力！

一條紅龍在我身體裏鑽出！盤旋在半空中

「武.....你...」啊烈和十方都十分詫異

我控制紅龍穿過啊航的身體，身體被紅龍穿過後，啊航的身體發生強烈的抖動，一股紫黑色的氣從他身上冒出，紅龍亦回到我體內

「搞掂咗...？」十方問

「應該就係嘅」我回答

「我諗你要好好解釋下，到底發生咗咩事」啊烈看著我

「說來話長，我地出去慢慢講啦！」我傻笑著說

啊烈跟洛兒交代了一下情況，叫她好好看著啊航，有什麼事就高呼我們，之後我們來到大廳

「好啦，係時候到你講啦」十方斟好三杯茶，和啊烈等待著我的解釋