［打鬥/靈幻/鬼怪］《輪迴。道》/《噬魂》我由古惑仔變咗做現代道士: 217

上水工廠

「嗄...嗄..嗄....烈...走啊...」身受重傷的十方虛弱的坐在一旁，不斷的叫我走

而這時的我正與粗獷男纏鬥著

「嗄..你都幾爛打啊」粗獷男都顯得有點氣喘

「嗄...嗄...哈..係咩？我唔記得...同你講我以前係古惑仔嚟，最叻打爛仔交」我氣喘的問題更嚴重，身上的傷更有不少，嚴重的有兩處，右大腿骨折，左手肩膀肌肉撕裂





「呸！古惑仔」粗獷男向我吐一口口

我側身躲開，再次開戰！！

我直徑的跑向他，拿起鎚斧就是一斬，他也沒打算躲避，硬食我這一記，鎚斧斬在他的頸和鎖骨之間，可惜我的體力已接近極限，這記斬得不夠重，否則應可直破心臟

粗獷男被我斬中後也沒有閒著，馬上還手，他用左手壓著我握住鎚斧的雙手，然後右手揮出一記上勾拳，狠狠的打在我下巴

這一拳極重，直接把我打飛，飛撞到十方旁邊的牆上





「啊......」我整個人像快要散開一樣

站不起來了....

我跟十方相視而笑，等待粗獷男上前解決我們，粗獷男拔出他肩膀上鎚斧，在手上拋玩著，然後看著我露出醜陋的笑容，我也猜到他的用意

嗖——

鎚斧正直徑的向我襲來，我閉上眼迎接鎚斧的來臨，但卻遲遲等不到，我張開眼睛，十方的表情顯得有點錯愕，我向前看，有一隻手為我接住了鎚斧...





「係你....」我也猜不到會是這個人出手救我

「媚娘....你做咩啊」粗獷男激動的問

救我的人竟是媚娘....她輕易的接住了正在高速旋轉的鎚斧

「羅東，放咗佢」媚娘將鎚斧搭在肩膀上

原來粗獷男的名字是羅東，媚娘對羅東的態度明顯惡劣

「但...係Boss叫我對付佢㗎....乖啦～行開啦，唔好玩啦」羅東對著媚娘的態度又是明顯較為溫柔

「放定唔放？」媚娘淡定的問他

「但...我完成唔到任務嘅話...你知我後果會點㗎啦...我交代唔到」羅東兩面為難





「難交代～好」媚娘眼神一秒變得銳利，將手上的鎚斧飛向羅東

羅東的右半邊身被鎚斧斬掉，鎚斧飛到遠處的一道牆上才停下

「呃...啊....媚娘...點解啊」羅東跪在地上

「你話難交代嘛～依家咪交代到囉」媚娘笑說

然後她轉身看著我

「哎喲～陰公囉～打到咁傷，好彩個靚仔靚樣冇花曬～」媚娘撫摸我的臉龐

「你...點解，要救我？」我朦朦朧朧的問她





「咁都仲要問～？」她笑著回答

「.....」我意識愈來愈薄弱

「乖～瞓醒教就冇事㗎啦」她將手搭著我的肩膀上，然後一股暖流湧入我的身體，我也隨即睡著了

「媚娘！點解要救佢啊」跪在地上的羅東不忿的問

「唔關你事」媚娘看都沒看羅東一眼

被斬掉半邊身的羅東一時半刻復原不了，只能保持住跪下的動作，等待回復

媚娘看向十方

「你朋友都幾靚仔～不過都係你靚仔啲～」她再摸摸我的臉龐，之後走到十方面前





「見你係佢嘅朋友～就幫下你啦，下次未必咁好彩㗎啦」她再將手搭著十方，好快十方腰間的傷口就止血了，傷口也慢慢變小

「呼～今次條友都幾重手，睇嚟Boss真係唔打算放過你地...」媚娘帶點嘆息的說

處理好我們二人後，她走過去扶起羅東，羅東看到媚娘扶起自己，簡直開心得忘記所有疼痛

「媚娘...你扶我啊？」羅東一臉痴迷的看著媚娘

媚娘原來是帶點嫌惡的，但好快又轉換了態度，轉為熱情

「東啊～返去到你應該知道點樣同Boss講㗎啦～」媚娘實行美人計，哄羅東回去後不要說出事實

「哦～我知我知，我失手！我唔夠打！」羅東明明已失去半邊身，但此刻好像若無其事一樣





英雄難過美人關，即使再強的人都會有弱點，而羅東的弱點就是媚娘