［打鬥/靈幻/鬼怪］《輪迴。道》/《噬魂》我由古惑仔變咗做現代道士: 156

「鬼？可能出事」九叔站起來

「我地跟住個GPS去睇下！」

我們三人趕緊收拾一下工具後就馬上出發

回到啊烈這邊

卓斌將啊烈和一班警察捉上一架大貨車上，然後將他們運去另一個貨倉





「斌哥啊，點解我地要轉貨倉？啱啱嗰個都偏僻㗎啦」卓斌旁邊的手下問

「咁都要問....條仆街仔真係聰明過你地多多聲，可惜佢係鬼....」卓斌搖頭

「係係，係我地蠢」那手下點頭

「你覺得班死差佬出發前冇記錄？大把人知佢地去咗東連啦！我自己地唔轉地方，搏拉啊！」

「你又話有寶貝唔怕嘅？」那手下再問





「你....你跳落車」卓斌生氣了，他閉上眼，深呼吸

「下？！跳....」那手下嚇呆了

「三」

「斌哥，對唔住！係我多口！！」他馬上道歉

「二」





「呃.....」

「一！」

「啊！！！！」

那手下真的打開車門跳下了....

「點解我會養埋啲咁嘅垃圾！」卓斌在車上大罵

車上的其他人都不敢發聲，生怕下一個要跳下車的是自己

大約半小時後，卓斌的車和隨尾的大貨車就來到上水的貨倉，這貨倉相當偏僻低調，連招牌都沒有，鐵閘已是生鏽破爛，就算有人路過相信都只會覺得是已荒廢的貨倉

「將佢地掉曬入去！」卓斌吩附手下





五分鐘後，啊烈他們就被搬到貨內

「斌哥洗唔洗綁住佢地？」其中一名手下問

「唔洗！淨係鎖好曬啲出入口！我都想睇下依個盅有幾勁！哈哈哈哈！」卓斌拿著骨灰罈大笑

旁邊的手下心裏都認為他已經瘋了

所有閘門都鎖上後，啊烈他們剛好醒來

「講，你想點」啊烈冷靜的問卓斌

「你唔好奇咩？我冇綁住你地喎」卓斌笑說





雖說卓斌沒有綁住啊烈他們，但二十名手下全拿著槍指著他們，他們一時間不敢反抗

「你知我從來都唔問唔應該問嘅問題」

「係！依個就係你同後面班廢柴嘅分別」卓斌這樣一說，後面的手下立時顯得尷尬

「你肯繼續幫我手嘅話，我當今日嘅事冇發生過」卓斌嘗試拉攏啊烈

「張一烈你唔好信佢啊！」負責啊烈行動的聯絡員——陳一督察

「收聲啦，成日都係到嘈嘈嘈」啊烈居然轉身大罵那聯絡員

「呃....」陳一呆了

「哈！我太了解你，你今日話冇野，聽日隨時覺得我威脅到你就殺咗我」啊烈轉身，看著卓斌邊笑邊搖頭說





「咁姐係冇野好講啦」

卓斌叫在場的二十人都把血滴到大骨灰罈上

這次在這麼多血的「餵飼」下，骨灰罈震動得比剛剛裏要厲害，並再次發出淒怨的叫聲

「啊！！！！」

「哈哈哈哈，有好戲睇！」卓斌笑著

瞬間，啊烈他們眼前的景象都變了，變了在他們隸屬的警局內，眾人都被嚇到

「嘩！咩事啊！」





「陳sir！我地返咗局....」

「我打份工㗎咋，放過我啦」

「張一烈...發生咩事？」陳一走近啊烈

「唔知」啊烈不斷的到處張望

在啊烈他們眼中自己回到了警局，而在卓斌眼中只看到一班人在周圍望，不知道他們在做什麼

「你地拎手機出嚟！直播，影住佢地！等人睇下班死差佬有幾撚蠢幾撚冇用！哈哈哈哈」

卓斌走到高一點的辦公室坐下，辦公室有一個長方形的大窗戶，足夠卓斌觀看整個貨倉

而卓斌的手下都紛紛拿出手機進行直播

「我地依家應該點啊？」其中一個警員問

「呃....我地」陳一想不到

「我地企係到都唔係辦法，你地試下跟返平時離開差館條路行，睇下走唔走到」啊烈提出想法

「都好嘅」

「試下啦」

「好！咁我地試下跟返平時離開差館條路行啦」陳一將啊烈的話，重複一次，就當作自己的說話

「航，你幾時到啊...」

此刻的我正跟九叔英趕往現場