［打鬥/靈幻/鬼怪］《輪迴。道》/《噬魂》我由古惑仔變咗做現代道士: 155

啊烈回到家後，拿出那部舊型號電話

「聽日兩點，佢叫我一個人去元朗東連貨倉搞掂條友」

「有冇講咩人？」

「咩都冇講，淨係講咗地址同時間」

「好，咁我聽日一點半會叫人去」





「有咩我再通知你」

「好」

通話結束

「呼....」啊烈坐在沙發上，呆望天花

一會後，躺上床倒頭大睡，充分休息以迎接明天充滿未知之數的任務





一覺睡醒...

啊烈坐在床上發呆，差不多半小時後才起床梳洗，煮了個早餐，慢慢吃完再出發

沿途上，啊烈心裏有千萬個想法，一會在貨倉會有什麼事發生，其實每次做事，啊烈心裏都害怕，但偏偏又不能退縮，這幾年來都習慣了一個人承受所有

大約一小時後，啊烈已到達貨倉附近，他帶上無線耳機，撥通電話

「喂」





「你自己小心行事，有咩依郁我地就會衝入嚟」

「得」

啊烈拍一拍胸口的槍，深深吸一口氣

「呼....」呼出

隆！！！！

拉開貨倉大閘，但內裏空無一人，啊烈小心翼翼的步入貨倉，背貼緊貨物，以免被人從背後突襲，他拿出手槍，緊握在手

「裏面冇人」啊烈輕聲的對耳機說

「冇人？有古怪！走咗先啦」耳機的另一頭說





隆！！！！

呯！！

大閘被人關上了，啊烈馬上跑往大閘查看，當啊烈跑到後大閘已被人鎖上鐵鏈

「想去邊啊？」聲音從啊烈背後傳來

啊烈知道聲音的主人是誰，他慢慢轉身，卓斌站在中間，兩邊各站了十人

「斌少，玩咩啊」

「好似係你玩我咋喎焙哥，啊！唔係！定應該叫你烈哥？」卓斌笑說





「烈？斌少，我都話琴日條友認錯人」

「係咩？張！一！烈！」卓斌大聲的讀出啊烈的名字

啊烈瞪大眼睛

「我冇叫錯啊嘛？我一早知你係鬼，不過想睇下你玩得出咩花樣」

卓斌拿出那兩個骨灰罈，用一個莫名的笑容看著啊烈

「咩啊....」啊烈看著骨灰罈

卓斌用一把刀仔把自己的手掌劃損，把血滴到大的那骨灰罈上

啊烈不懂卓斌在做什麼，但他打從心底知道他要小心這玩意





卓斌的血滴到骨灰罈後，骨灰罈發出綠光，再加上一把淒厲的女人聲

「又係依啲野...？！」啊烈無奈

卓斌旁邊的手下都被嚇到，應該除了卓斌外沒人知道這是什麼

「哈哈哈哈！好玩！果然係好野嚟！」卓斌大笑

啊烈的視線關開始變模糊，倒下

「喂！啊烈！烈！」耳機另一頭的人應該猜到了啊烈出事

「入面出事！入去！」外面的救援準備衝入貨倉





貨倉內

「斌哥！出面有好多死差佬衝緊入嚟！」把風的手下緊張的衝進來

「唔洗緊張，我有法寶幫手啊嘛！」卓斌再把更多的血滴到骨灰罈上

骨灰罈強烈的震動，本來正衝入貨倉的警察都停下了腳步，變得痴痴呆呆，眼光呆滯

「同我捉曬佢地返去！我今次要玩鋪大嘅！」卓斌瘋狂的笑著

「黑白兩道仲唔係我玩曬！！」

證明人的野心....足以令一個人徹底瘋狂

當所有人都分心去捉那幫警察時，啊烈用他最後的意識撥電給我

「烈？做咩？」我問

「救....」啊烈迷糊的說

「救？咩事啊？！唔好嚇我啊！」我緊張起來

「鬼....我...GPS」這次啊烈真的暈倒

「喂！啊烈」任我再叫，啊烈都沒再回應我

叮！

信息響起，是啊烈把他的定位傳了給我

「咩事咁緊張啊？」在旁的英叔問我

「啊烈打嚟叫救命，之後Send咗個GPS比我就冇曬聲」

「佢有冇講啲咩啊？」

「講啲咩...」我回想剛剛的對話

「鬼！佢講咗個鬼字！」