［打鬥/靈幻/鬼怪］《輪迴。道》/《噬魂》我由古惑仔變咗做現代道士: 107

「到底今日嗰個係咪啊武....」我靠著欄杆，心裏非常忐忑

夢晞本來想出來看我到底是什麼回事，但被九叔阻止了

「你想出去？」九叔問夢晞

「係啊，佢啱啱開始已經好唔妥，我想問下佢咩事」夢晞一臉緊張的說

「你唔好住，等我同佢傾下」





就這樣，九叔把夢晞留在原地，走向我，這時英叔走在九叔旁邊

「你又跟埋嚟做咩啊」九叔問

「𡃁仔話曬都係我半個徒弟啦，葉靈出事個陣都未見過佢咁，點都要關心下佢嘅」

九叔反了一下白眼，但沒阻止英叔跟來，應該也是認同英叔的話

他們來到我身邊





「點啊，有咩咁諗唔通，同英叔講，我幫你諗掂佢！」英叔搭著我

我也差點忘記英叔是完全不知道關於啊武的事

「你都知我點識九叔㗎啦」

「黑熾靈件事啊嘛，我知」

「咁其實仲有啲小插曲嘅，我好細個老豆老母就死咗，搬咗去兒童之家住，一直都冇咩朋友，加上我細個係一個大肥仔，係兒童之家成日比人蝦，直至去到中學.....






「大家不如介紹一下自己先啦，依邊開始～」班主任用一個非常高的語調說話

我是第一個..

「我叫陳天航」我我站起來說出簡單直接的一句，坐下

因為背景的關係我變得孤僻， 太喜歡跟人溝通

「再講多啲關於自己嘅野啦，例如你中意啲咩咁呢」班主任希望我多說一點

我站起來

「我中意自己一個」說完後就起上坐下來，沒給機會班主任說話





班主任也只好讓第二位同學介紹自己

「大家好啊！我叫李梓武，好中意做運動，中意郁來郁去，成日比人話我坐唔定」

這個人就是啊武

「我亦都好多野講，如果大家想搵人傾計可以搵我㗎」他全程擺出自信的笑容，坐下

到第三個

「張一烈，叫我啊烈」這個啊烈的人沒有站起來，只是揮一揮了手

之後其他同學也陸續介紹自己，直至一個吸引我目光的人站起來

「早晨～我叫歐陽洛兒，個個都話我中意笑」的確她的臉上掛著一張甜美的笑容和漂亮的臉蛋





中學正直青春期，大家都喜歡漂亮的異性，班上的男生基本上全都望向她，當然包括我在內

大家都正式介紹完畢後，班主任開始講解未來上課的事項

噹— —！

小休時間

那時孤僻的我自己一個坐在操場角落的一張長椅上

「做咩自己一個坐埋一邊啊」一把聲音傳來

我轉看，是坐我後面的李梓武，我沒回應他，但他卻坐下了





「咁好天，不如打下波啦」他看著天空

「我唔識打」我開口

「打打下就識㗎啦，邊個一開始就識打㗎」他態度非常熱情，令我也不知怎麼拒絕，正當我準備回答時

張一烈也坐到長椅上，我跟李梓正同時望向他

「望咩姐望，坐下唔得？」他蹺著二朗腿，雙手手踭搭在椅背上

「得」我以單字回應他

「咁仲打唔打波？」李梓武問我，我還未回答，他又轉頭去問張一烈

「咁你呢？一齊打波？」





「打波唔係問題，問題係小息得返五分鐘，下個小息再打啦」說完後，張一烈就起身離開了

「咁好啦！下個小息打波啊」李梓武大聲說

張一烈揮一揮手，應該是示意：好

「咁我都返上去啦」我站起，離去

李梓也跟著離去

「我見你啱啱眼甘甘咁望住嗰個歐陽洛兒喎！係咪咁快就中意咗人啊」他突然說出這句，把我嚇一跳

「喂！唔好亂講野，第一次見面咋喎，中乜意啊」我馬上否認

「唏！扮咩啊，佢咁靚，係男仔都中意㗎啦」李梓武擦擦鼻子

「我邊有資格中意人啊」我低頭輕聲的說

「點解咁講啊，點解冇資格啊」他問我

「你咁都聽到？！」我驚訝

「聽到啊，咁點解冇資格中意人啊？」他再問

「.....我咁肥，邊會有人中意㗎」

「傻嘅，肥咪減囉，我幫你！」他拍一拍胸口，然後咳了幾下

「點減啊.....話咁易咩」我頹然的說

「好易㗎咋！多啲同我打波、跑步就得㗎啦」

就這樣，在他的熱情下，下個小息真的跟他一起打波，而張一烈也真的過來了

「估唔到你真係會來打波喎！」啊武把籃球拋給張一烈，張一烈運球兩下後射波，入！

「我講得出做得到嘅」張一烈叉著腰

「你都打得唔錯啊，咁我地一齊教佢打啦，佢唔識打啊」啊武指著我

「好」張一烈點頭

從這開始，我們差不多每天都一起打球，開始變得熟絡