［打鬥/靈幻/鬼怪］《輪迴。道》/《噬魂》我由古惑仔變咗做現代道士: 106

「啊航！」

叫我的是夢晞

「你搞咩啊！？衝出馬路！嚇死人啊！！」她緊張的捉住我

「冇事...放心」我輕輕拍她的頭，但視線還是到處張望，搜索著啊武的身影

「你到底做咩啊？周圍望，定係你見到嗰啲野啊？」她也陪着我到處張望，好像很害怕見到鬼一樣





「唔係啊～我見到一個好耐冇見嘅朋友姐」

「咁緊張，女仔嚟㗎？」夢晞瞇起眼看著我

「唔係啊，傻妹，男仔嚟㗎」

「男仔？！死啦！冇地位啦！！」夢晞裝作喊的樣子

「哎啊～唔係啊，係我一個好兄弟嚟，唔見咗一段時間㗎啦，啱啱見到一個好似佢嘅人，不過我諗唔係佢啦」





「咁我地返去啦，九叔等緊我地㗎」夢晞拉著我走

在我跟夢晞轉身走後，正有一身穿黑袍的身影站在不遠的地方看著我

回到象山

「我返嚟啦！」我率先步入家門

「咁耐㗎！死仔！係咪想餓死我？！」





我一開門就聽到英叔的咆哮

「英叔！有冇掛住我先！」夢晞在我身後跳出

「啊晞！你今晚係咪煮飯比我食啊？」英叔開心的說

「係啊，餸都買埋啦～豉汁蒸倉魚、可樂雞翼、菜芯炒牛肉，啱唔啱食啊？」

「啱啊！太好啦！依兩條友煮飯真係好難食，有你煮比我食就太好啦！！」

「咁掛住我啊？」夢晞笑得開心

「最衰都係你！而家先氹番佢搞到我咁耐都冇得食啊晞煮嘅野！」英叔指著我

「下？！你咁都瀨落我到？！」





「唔瀨得啊！啊晞唔好理佢！去煮飯啦」英叔拉著夢晞去了廚房

我坐在沙發，一臉若有所思的

「點啊？既然同啊晞一齊返嚟，諗通咗？」九叔主動問我

「算係啦...」

「咁仲咁嘅樣？」九叔問我

「啱啱我好似見到啊武...」

「你冇追？」





「有...追唔到，其實我唔知係咪我睇錯」我雙手掩著臉

「咁追唔到都冇辦法嘅，既然見到佢一次實有第二次」九叔拍一拍我

「嗯...」我點頭

「咁我問下你，就算真係比你搵到佢，你諗住點？」

「陪係佢身邊，佢隻手咁樣，生活一定好唔方便」我連忙說

「咁你有冇諗過，如果佢真係想比你搵到嘅話，佢當初就唔會粒聲唔出咁走咗去」九叔看著我

「我明啊...但當初件事我地兩個都有份做，冇理由要佢一個人承受曬㗎」這一刻的我內心充斥着內疚和傷感

「依件事冇得怪邊個，你兩個的確做咗件好錯嘅事，出事亦係你地應有嘅報應，冇得怨，只係你比較好彩，遇到我，更何況你都親手解決咗隻黑熾靈，我唔覺得你有欠佢啲咩」九叔坐直，嚴肅的說





「依啲我都明啊！但要面對個陣原來好難....」我雙手按著頭，情緒有點失控

「航，冷靜啲先，你咁樣都幫佢唔到」九叔按捺我的情緒

「點冷靜啊！」

夢晞在這刻拿著餸菜走出來

「呃.....你地做咩啊，傾得咁激烈嘅...」夢晞被現場的氣氛嚇窒了

「冇事，食飯啦」我輕拍臉，站起來

「冇事就好啦，蒸埋條魚就整啦，食住其他餸先啦」夢晞放下手上的餸菜，回到廚房





「喂，你地做咩啊？」英叔問我

「冇事，唔係嘈交，我情緒問題姐」我坐下

「冇事咁食飯啦」英叔也坐下

「條魚蒸好啦！開飯！」夢晞把最後一道菜放到桌面上

「好，大家食飯」我開始吃飯，沒冇講話

「啊航，你做咩啊？」夢晞見我怪怪的

「冇，冇事，食飯啦」我微笑看著她

之後繼續吃飯

這是數個月來夢晞第一次和我們吃的第一餐飯，但氣氛卻十分冷清

晚飯過後

我走出走廊，拿出已戒了一段時間的香煙，再次置身於煙霧之間

到底啊武這九個多月的日子是如何渡過的，一向好動的他，都以自己的體格和運動資質為傲，大部份運動他都只需要短時間就能掌握....