［打鬥/靈幻/鬼怪］《輪迴。道》/《噬魂》我由古惑仔變咗做現代道士: 66

終於正式出發！

「𡃁仔，如果今次死唔去，你返到嚟要處理下」英叔拍一拍我

「嗯.....」也不知為什麼...突然陷入了三角關係，不過現在也不理這些了

我們來到荃灣公園前

「前面係就係海旁啦」我說





「又係依到附近」九叔看著荃新天地

荃新天地就在荃灣公園的對面

「睇嚟佢地嘅大本營係附近」英叔說

「再行就入結界」九叔看穿了結界的存在

「唔知今次入面會有咩...」來到這一步，心始終有點怯懦





「唔方係好野㗎啦」英叔鬆著筋骨

「行啦」九叔率先行入結界

「𡃁仔！跟實啲啦！」英叔也步入了結界

「靈！等我！」我一同進入結界

結界內





「盡量唔好分散」九叔負責帶頭

英叔則站在我的後方

我們走到一個外形是船的公園，公園內傳來小孩的嘻笑聲

「依到點會有小朋友啊....」我到處張望

「一定唔係普通𡃁仔」英叔在我身後說

「個到」九叔提劍指著公園上，公園上有數個小孩在倒處跑

「殭屍仔？」英叔叉著腰

「佢地身上的確係有殭屍嘅陰氣，但唔重」九叔說





「咁即係佢地唔係殭屍？」我問

「唔知，自己執生」九叔慢慢步近小孩

「𡃁仔，唔關事嘅快啲走」英叔拿起弓指住他們

那班小孩沒有理會，繼續在玩弄

英叔發箭，沒有傷害小孩們

鐺！！箭射在公園的鐵柱上

小孩們停下動作，視線終於放在我們身上





「嘻！一齊玩啦」其中一個小孩說

「我地唔得閒同你玩啊，你地快啲走啦」英叔說

那班小孩沒有離開不特止，還峰湧而上，抱著我們的腿

「一齊玩啦！！一齊玩啦！陪我地啦！」那些小孩不斷的扯我們

在推撞中英叔不小心推倒其中一個小孩

「啊！𡃁仔，唔好意思啊，有冇事啊？」英叔抱起小孩，安慰他

但突然！那小孩的眼睛變成了鮮紅色，張開嘴巴咆哮，他長出了一隻獠牙，隨後其他小孩亦跟隨著咆哮

「一隻牙？！」我驚訝





「童殭！」九叔馬上推開包圍着他的小孩

英叔把抱住小孩一手掉出，把他飛到老遠

「佢地係殭屍？」我也連忙推開小孩們

「算係，人類同殭屍生出嚟嘅怪物，屬於半人半屍，係母體入面三個月就會吸乾曬母體嘅血，成功出世」九叔解釋道

「咁佢地都係細路姐，應該唔會好勁㗎姐」我說

「錯！佢地對眼有迷惑嘅能耐，專攻佢地對眼！」九叔出劍

但在我看來，對方的外形始終是小孩.....有點難下手





相反，九叔英叔他們對童殭就沒有留手，招招致命，大半的童殭好快便失去了眼球

「郁手啦！成碌木咁企係度做咩」英叔邊打邊說

英叔被數隻童殭纏繞著，雙手被他們拉扯著，其中一隻更爬到英叔的肩膀上，鎖扣著他的頸，而九叔也被圍攻中，分身乏術

我跑往解救英叔，把童殭從英叔身上拉下，並踢到一邊

「終於捨得郁手啦咩？！死仔！」英叔踢開腳邊的童殭

我沒回答，專注揮劍

在戰鬥間，我轉頭望向九叔，發現他站著一動不動，任由童殭攻擊

「英叔！九叔有唔妥！」我大叫

英叔聽到我說後，往後跑幾步，與童殭拉開距離，然後發箭射向九叔身邊的童殭

我亦跑往九叔

「九叔！！」我拍他

但九叔雙眼呈濁白，目光呆滯，好像聽不到我叫他

「仁....」九叔喃喃自語

「九叔醒啊！啊仁死咗㗎啦」糟糕！又是九叔的死穴，幻象中應該出現了張仁的身影

突然九叔向我揮劍！