［打鬥/靈幻/鬼怪］《輪迴。道》/《噬魂》我由古惑仔變咗做現代道士: 65

九叔在太極門拿出一張符紙

「符？」我問

「招魂符，係符上面寫上佢個名同時辰八字，就可以招到你想招嘅魂返嚟」九叔解釋

「點解你唔同我講可以招佢返嚟....」我問

「依啲係你兩個之間嘅事，你唔問到出口我都唔會出手」九叔看著我





「都啱...」我點頭

「咁依家開始」九叔正式作法

「茅山靈童，將魂帶路，招！」九叔作出手印

但並沒有任何反應，葉靈並沒有出現

「喂！搞咩啊你，老得滯冇力啊？」英叔推開九叔「等我嚟啦」





「茅出靈童，將魂帶路，招！」也是沒任何反應....

「有唔妥」九叔托著下巴說

「冇理由我都唔得㗎..」英叔懊惱的說

「咁即係點啊？」我不明所以

「招唔到應該得三個原因：投咗胎、已經灰飛煙滅、比人捉咗」九叔點出重點





「一定唔係投咗胎！咁.....」我有點驚慌

「我再睇睇！」九叔再次作法

不久後，九叔的手發出紅光，手不停的抖震，額頭冒汗

嘭一聲！

九叔飛彈到牆上，口中吐出鮮血

「咩事啊九叔！？你點啊？」我連忙上前扶起九叔

「嗄.....葉靈...比人封印住」九叔坐下後說出

「下？！封印？即係點啊」我驚訝





「未知，啱啱招佢個陣，發現佢比一樣野擋住，我發現諗住衝破，但被反噬」九叔說

「個封印可以勁到連你都反噬到...依個世上冇邊幾個」英叔也有點震驚

「未必...依個世界臥虎藏龍，嗰日個萬十方都唔錯」九叔攤在搖椅上休息

「我記得啦...我今朝發夢見到葉靈，佢叫我救佢，話佢好凍！仲要成身濕曬，會唔會真係葉靈向我求救？！」我突然想起今早的夢

「會！佢主魂魄出唔到嚟，佢分離咗其中一魄出嚟搵你」九叔坐起來

「佢魂魄入過你身體，一定有啲訊息留低，等我睇下」九叔打算起來，但不斷的咳嗽

「坐得啦，依啲野我都識做」英叔按著九叔的肩膀，把他推回搖椅





然後英叔走向我，把右手的姆指、食指和尾指都放在我頭上，我記得九叔曾經也在葉靈身上用過對招

英叔閉著眼，手慢慢發出紅光

「搞掂」英叔放下手

「點啊！」我問

「荃灣海旁」英叔說

「咁我地幾時出發？」我追問

「今晚啦，比啲時間佢回氣」英叔指著九叔

「好！」





出發前我和英叔負責收拾好要用的工具，九叔則在旁休息

其實我的心一直坐立不安心，很擔心安葉靈的危，我應該早一點發現她有危險

晚上11點

「一個鐘頭後出發」九叔說

「好」

「𡃁仔，放鬆啲，𡃁妹未必有事嘅」英叔安慰我

「冇錯，如果對方要傷害葉靈，就唔會封印住佢，直接殺咗佢就得啦，唔需要搞咁多野」九叔也出聲





「嗯，我明白」我點頭

凌晨12點正，出發！

我們剛到家樓下，就遇到夢晞與王婆正在回家

「呃.....你出去做野啊？」夢晞似乎知道我出去是做什麼

「係啊」我點頭

「媽啊，你幫我抱個女返上去先，我一陣上嚟」夢晞把女兒交給王婆，走向我

九叔他們向我打了個眼色就走到前方等我

「你又要出去打個野啊？」夢晞問

「我要去救一個對我好重要嘅人」我答

「好危險㗎？」她擺出擔心的表情

「我都唔知，可能隨時死人....」我認為沒有需要隱瞞，直接說事實

「......」

「一定要去？」她沉默一會後才說出

「係！一定要去」我堅定的說

「咁.....你小心啲...可唔可以應承我唔好有事」她的淚水在眼框滴下

「我會小心，放心啦」看着她眼淚留下來，我也不知道該如何反應