［打鬥/靈幻/鬼怪］《輪迴。道》/《噬魂》我由古惑仔變咗做現代道士: 16

「天航！唔洗驚啊～上次你走咗之後我將閉路電視整壞曬，同埋......啊狗佢地都比我嚇到有少少精神失常」原來葉靈幫我解決這問題～而且她說到最後還吐了一下舌頭，又是那個心跳的感覺

「咁就冇咩大問題啦～唔該葉靈」

「咁行得啦嘛？」九叔撓著手

「行得行得」我連忙說，否則一會又被偷襲

原來九叔住的是象山邨，這條邨老人家比較多，而且周遭都是比較空曠的地方，附近有一所中學，難怪那天打得那麼火熱都沒有人出來看熱鬧，現在我們坐紅色小巴在荃灣川龍街那邊下車，好快就能到荃新天地





「依到就係葉靈出事嘅地方？」九叔問

「係啊」我答

「好，我地依家入去睇下」九叔推門入去

「嗯...依到的確有唔少孤魂，樓上應該有過十隻怨魂聚集，陰氣極重」九叔嚴肅的說

「九叔叔！佢地好似聽唔到我講野咁啊，完全冇反應」葉靈說





「奇怪...佢地唔似普通孤魂，但我又講唔出有咩問題，你地兩個要小心啲」九叔在思考著，突然！他舉起手，作出一個我不明白的動作，自言自語起來，不一會，他臉上出現一個驚訝的表情

「今次應該幾麻煩」他說

「即係點？我咩都睇唔到喎，你地兩個見到啲咩啊」我咽一咽口水

「依到嘅孤魂接近全部都係比殭屍咬死，所以佢地冇咗三魂七魄中嘅三魂，搞到佢地全部冇曬主意識，終日流連係依到」

「唔係啊嘛？！殭屍？！你講真㗎？」我被九叔的話震驚到





「呃你做咩，今日我地返去先，聽日再嚟過」 九叔認真的說

「好！」我和葉靈同時說

回到家

「依件事唔係講笑，葉靈！我敢肯定你生前發生咩事嘅秘密就係上面」九叔說

「但九叔叔你肯定今日個到有殭屍作祟？」葉靈問

「係！個到嘅陰氣重到連我都未見過」

「咁我地點做？」我問

「我去準備啲架撐，教埋你點用，到時有咩事都可以自保」





「好啊！但依家世界真係有殭屍㗎咩...」我聽到可以自保馬上放鬆一點，但對於這個世界有殭屍，有點疑惑

「你連黑熾靈都見過，有咩係冇可能」九叔沒正面回答我

「天航，我估真係有㗎，第一：今日商場啲孤魂真係奇怪， 第二：九叔叔冇理由呃我地啊」葉靈道出她的想法

「咁又係」我也唯有接受

「如果你可以好似葉靈咁，就好啦」九叔看着我搖搖頭

我們再次一早起床

「呵～～九叔啊，點解我哋唔夜晚先偷偷地入去」我打著「喊露」說





「殭屍嘅力量，唔多唔少都關月亮事，所以最好就朝早去睇睇先」

「其實殭屍係形成？真係好似拍戲咁？」我問

「有啲真有啲假，佢地的確會驚桃木劍、金錢劍、符紙，依啲都可以打傷佢地，但最好嘅方法一定係一劍穿心」

「咁佢地真係飛天遁地？力大無窮？」

「又未至於嘅，唔同種嘅殭屍有唔同能力，有速度、念力、力量，應該同你想像中嘅好唔同」

「下？仲要有咁多玩法？我以為好似拍戲咁，舉起手跳跳下咁㗎咋......」我驚訝

「呃......你可以咁講，曾幾何時殭屍的確係咁，全身僵硬，毫無感情可言，但由我師公個代開始，依種殭屍開始絕跡，取而代之嘅就係現代殭屍，比以前更加難對付，傳播性更大...」

「咁...你師父同其他師兄弟...」





「死淨我......同一個師兄，其他...全部死於殭屍手下