［打鬥/靈幻/鬼怪］《輪迴。道》/《噬魂》我由古惑仔變咗做現代道士: 15

「查到！」大叔拿著古書

我和葉靈走到大叔旁邊
「依本古書有記載關於封鎖記憶嘅茅術，施法嗰個人係高手，施法條相當苛刻，愈苛刻嘅法，反噬力愈能強」

「高人出手對你施法..靈，你到底遇到啲咩啊...」我問

「......」靈不語

「聽日去個商場睇睇」九叔主動前往調查





「好，咁我有冇咩要準備？」我問

「好好休息，你啱啱先醒返，聽日唔知會有咩事發生」大叔說

「好！」

「或者你可以幫我查下個商場嘅背景，由邊間公司管理，依幾年有咩特別新聞」

「哦！好！我依家查」





「葉靈，你過一過嚟」九叔把葉靈叫到一邊說話

我上網查查荃新天地的背景，它是由信和置業管理，於2008年正式開業，發現這幾年一直斷斷續續都有一些墮樓身亡、重傷或是危坐於高處的新聞，本來看似簡單的案件，現在看來都有點奇怪，我向九叔交代了一下我查到的，九叔大概了解事件後就沒再追問，大概是心裡也有個底

翌日

「準備好出發未？」九叔問我

「行得㗎啦！嚟緊！好快」我口中咬著面包，手就在穿鞋帶，日常都是夜生活的鬼，好早沒早起床，有點不慣





「葉....@¥&¥&%$」

「你想點，不如放低舊包先講野」九叔一臉嫌棄

「我話：葉靈，一陣間好似以前一樣咁，跟住係我身邊就得㗎啦～」我拍一拍手上的灰塵，拿著包

「放心啦～我會」葉靈回答我

「擔心自己先啦！佢要走一定走得快過你！」九叔突然從後偷襲我的頭，但亦難得的聽到他說話有尾音

「係喎...你識憑空出現，又識憑空消失㗎喎」我看一看葉靈

「唔緊要啊～我知你關心我啊」她微微一笑





看著她微笑，真的有一種心跳加速的感覺，突然！九叔又偷襲我，他拉著我的耳朵

「行啦你！可唔可以唔好咁多野講啊你！」九叔一直拉著我不放

「痛！痛！痛！痛！九叔！九叔！我行啦我行啦！」直至到了樓梯九叔才放手

「好痛啊！九叔」我用雙手包住雙耳， 慎防九叔突然再偷襲我

「唔痛打你做咩？我打你，你唔識擋㗎咩？個日先讚完你身手唔錯，睇嚟要收返啦」

「嗱，我身手算唔錯㗎啦！對住隻黑咩靈都可以全身而退！」

「係黑熾靈，記性又差，上次如果唔係我及時出手，你真係覺得你可以全身而退？」

「呃......」我竟無言以對





「唔該一陣有咩唔好認叻，有咩就即刻話我知」

「好！」

「啊啊啊！！！！」

我突然想起一件重要的事！

「大鑊！我大佬死咗係辦公室，嗰個啊狗又以為係我殺佢嘅，咁我依家出去實比人斬㗎喎！」