［打鬥/靈幻/鬼怪］《輪迴。道》/《噬魂》我由古惑仔變咗做現代道士: 13

13
有人從荃新天地掉下來了！我馬上跑過去看，是一個身穿白色長裙的女子，但好快白色的裙就被她的鮮血染紅，我把東西放在路邊，走到她旁邊

「小姐！小姐！醒啊！唔好訓！」她意識愈來愈弱，我拿出電話叫救護車，說完基本資料後便掛電話

「小姐，唔洗驚，我叫咗白車啦」

「我...覺得好凍」她用柔弱的聲音說

「有冇好啲啊？」我脫下外套給她披著





「多謝...你」

「要多謝我就等你好返請我食餐飯啦～」

「你叫...咩名」

「我叫陳天航啊，你呢？」

「我叫葉..靈」





「葉靈？好好聽啊」

她微笑

救護車聲響起，終於都到了

「先生，你係佢邊位啊？」其中一名救護員問我，其他的正為她搶救

「我係佢....朋友」





「請問點解佢會跌落嚟㗎？」

「我都唔知啊，我去咗街市買餸，佢話去周圍行下，我出嚟就見佢跌落嚟啦」

「好，問一問傷者資料先，佢叫咩名？」

「葉靈！」這是我唯一知道關於她的了

「佢電話號碼係幾多？」

「呃....唔記得咗」我居然回答出這麼笨的答案...

「下？唔記得？算啦，咁知唔知佢住邊？」





「佢冇講過」這場笨死的戲也只能這樣演下去了

「唉...你到底係唔係佢朋友，咩都唔知」

「啱啱識佢冇幾耐啊嘛」我走到葉靈旁邊「啊sir,佢傷成點啊」

「情況唔係咁樂觀，佢全身多處骨折，頭部受到重創，要盡快入院搶救」

這是葉靈突然捉住我的手，看着我

「唔洗驚，好快冇事㗎啦」我嘗試安慰著她

好快救護員就將她搬到床上，然後準備上救護車，但葉靈臨上車前突然舉起手指向荃新天地的高層，口中亦唸唸有詞，但我還未來得及聽，她就昏倒過去了，我向上望又看不出有什麼異常

其後我也跟着救護車到了醫院，她去到




醫院馬上被推入手術室搶救，在外等待的我一心想著她「大步攬過」，完全忘記約了啊武吃飯的事

手術室的紅燈熄了，醫生亦出來了，走向我

「你係佢家屬？」醫生問我

「朋友」我回答

「唔好意思......，搶救無效，佢全身多處骨折，嚴重內出血，而頭部重創係致命傷」

「嗯.....好啊...」我低頭...結果最終也是捱不過去

「你入去見佢最後一面」他拍一拍我肩膀

「好....唔該醫生」





雖然我跟她素不相識，但看着一個人在自己面前死去，心情難免有點起伏，我盡量收拾好心情，帶着微笑走進手術室

「多謝...你啊」她好像感覺到我會進來

「唔洗...你要記得你欠我一餐飯就得啦」我上前捉住她的手

「好啊...我一定..會還返比你㗎」她眼角流出了一滴淚

「好，我等你」

話畢，心電圖響起‘嗶———‘的聲音，她的手也鬆開了，她走了......

我幫她擦去臉上眼淚後就離去...