［打鬥/靈幻/鬼怪］《輪迴。道》/《噬魂》我由古惑仔變咗做現代道士: 12

我打開眼簾，模糊的視線中看到那女子坐在我身旁，大叔站在窗邊背著我

「唔...該曬...你地...」感覺口腔十分乾涸

「你終於醒啦！？」女子看見我醒來，顯得十分開心

「今次訓得耐過上次」大叔回頭

「我今次...訓咗..幾耐？」



「七日」繼續背對著我，抽著煙

七日？！我居然連續睡了七天？

「依七日你一直都係我身邊？」 我問女子

「嗯！」她點頭回答我

坐起來休息一會，喝了一大杯水，
「多謝曬你，我有好多問題想問你，你係咩人？點解會一直係我身邊，同埋點解要幫我？」



「.......」她低頭不語

「佢唔係人」大叔看了一看她，然後替她回答，雖然答案我一點都不意外

「依層我一早估到啦」我望向依然低頭的她「但點解你會一直跟住我嘅？」

「我都唔知，我淨係知我有意識開始就係你身邊，但我好肯定我地見過㗎...」她終於回答我

「點解我會冇印象嘅...」我拍拍自己的頭



「哦！！！我記得你啦！！！」

六年前

「今晚啊妹叫你上嚟食飯喎」啊武坐在欄杆喝著汽水

「啊妍叫？好啊，但食咩啊？」我問

「佢話...」啊武正想回答我

「打邊爐」我搶了啊武的對白

「估到你又問！」



「你知我會估到你又答？」我反問

「.....」啊武用無奈的表情看著我

「玩下姐，唔好嬲啦」

「唔係嬲啊，我諗緊啲野啊」

「你都會諗野㗎咩..」我低頭細聲的說

「認真嘅！嗱，我啊妹咁中意你，不如你同佢一齊，咁你就係我妹夫啦，即係我係你長輩！哈哈哈！」啊武跳下欄杆，捉著我手說

「死啦....你真係傻㗎喎，唔係扮」我拍拍頭，轉頭離去

「喂！我認真㗎！諗諗佢啦！記得今晚食飯啊」啊武大聲在街呼叫



我揮揮手就當作回覆他了，啊武那個白痴......撮合我跟啊妍竟然是為了做我的長輩！為什麼我會跟這樣的人做兄弟啊...

走著走著到了楊屋道街市，那就順便進去看看有沒有什麼買吧

「龍蝦、蜆、脆肉鯇、帆立貝，應該夠食啦掛」拿著數袋海鮮的我顯得有點論盡

突然一聲巨響！呯！！！！！