【愛情】【冒險】【穿越】【友誼】【喪屍】《三天之後，遊戲開始》: CH.12（3）【歌聲】

行住呢條樓梯，總係覺得會失驚無神彈出幾隻感染者。

希望唔好咁煩啦。

1樓⋯2樓。

好彩屋企住得低啫。

返到嚟呢條走廊，睇落暫時都係安全嘅。





點都唔會癡喺天花板咁癲啊。

我同阿樂立即衝向屋企門前，尋找袋中嘅鎖匙。

輕輕力咁打開道門，見到家嘅感覺啊。

終於安全，唔洗提心吊膽。

屋企鐵閘夠曬堅固，窗花又夠穩陣。





仲有一堆報紙可以俾我癡滿對窗門，又有大大塊窗簾布，出面嘅感染者一定唔會發覺我呢度仲有活人嘅蹤跡。

幾百呎，夠兩個人啦！

兩間房，啱啱好可以俾我地一人一間。

時間18:30。

「頭先有冇覺眼見到感染者？即係你講嘅喪屍。」我有些少焦急，立即詢問阿樂。希望冇啦，咁樣今晚都安全唔少。





「冇覺眼喎，不過應該唔使咁驚嘅。」阿樂回答。

「咁就好啦，我都放鬆少少咁。」我依然擔心。

擔心本陣嘅同伴，本陣嘅一切。

佢地會唔會驚？會唔會同樣擔心緊我？會唔會群龍無首？

明明非常擔心大家，但此刻嘅自己卻又身在遠處。

我咁樣算係點？懦弱嘅表現。

啊⋯頭好痛⋯我就快連擔心嘅餘力都冇。

壓力就快充滿住我全身，無力感再次侵蝕我嘅身體、心靈。





唉，始終都係唔得掂啊。

「近日多宗感染個案出現喺黃大仙區、觀塘區、油尖旺區、港島區⋯」電視裏的聲音響起。
「真係敬業呢。」阿樂提出。

「喂，咪咁大聲啦，小心啲嘢聽到聲嚟搵你啊！不過真心講句，都真係幾敬業，唔知佢係點返工呢？依家市面上都充滿住感染者，唔通⋯佢住咗喺電視台？哈哈，香港人真係盞鬼。

諗起之前打10號波，個個人要翻工嘅繼續翻工，就算地下鐵玩向左走向右走完，巴士又收咗檔，的士又cum旗，小巴挑個颱風機但係炒埋車，都無阻大家嘅決心，照樣行路翻去。行住翻去嘅途中，仲不忘打電話俾Boss寒暄兩句，通報自己會遲到，驚死俾人炒魷魚咁。Am I a joke to you？最憎就係咁。」

「新界除咗西貢區、離島區、北區，其他全部淪陷。

九龍只係淨低九龍城區未完全被佔領。

香港島一帶同樣淨低一個區域，就係南區。





根據資料所得，依家感染人數已經突破180萬關口，預計社區感染人數為225萬，請市民繼續留喺屋企，唔好亂咁出門，後果自負，好啦今日即時緊急新聞就到呢度先，我地會全力更新新聞。」記者繼續報道。

「係啊，冇計啦，習慣嚟架啦。

你呢啲人真係好鬼特別，日日都可以慢慢吞吞咁做嘢，完全同出面嘅香港人唔一樣。我都好羨慕啊～幾時教兩招過我啊！」阿樂興高采烈。

「咪玩啦，呢個時勢你仲想學，學好速度先啦。我怕你會轉換唔到心態，打怪打到好似打太極咁啊。

不過如果你識打太極又係另外一種講法。」我帶着一絲笑意。

「講笑啫，Relax吓啦bro。話說你有咩打算啊，幾時去你個大場？」阿樂有點期待。

「喀喀喀⋯喀喀喀⋯嘰咕哇嗚⋯」奇怪的聲音，在走廊徘徊。





「等陣先，唔好講嘢住。」我變得謹慎，用手勢提醒阿樂先不要作聲。

「嘰嘰嘰哇！」越來越大聲！

「咩事，你聽到咩聲⋯」阿樂可能第一次見識感染者的歌聲。

「啦啦啦嘰，嗚嗚嗚咽！」100米內。

「吓？你聽唔到咩？」我盡量不發出任何一滴聲音，接近是發出氣來了。

「聽唔到喎，唔通我耳殘？」阿樂依然一頭霧水。

「唔緊要，不過我感覺唔會係好嘢。我估可能係感染者，又或者⋯係其他人用非人類語言去溝通。」我是不是想多了。

「尸口巾，唔係掛，早響啦。好彩我快手熄咗電視聲啫，如果唔係一定嚟搵我地。」阿樂露出難色。





「我唔叫，你會記得？快手同我封好道門，攞兩條毛巾，兩個沙包，塞住佢。」不要問我為何會有沙包。

「好囉，我錯，唔好意思，即做。咪住先，做乜你屋企會有沙包。」

頂，我都估到。

「不要問，只要做。Then calm down and shut up first！Thanks bro！」
我直接終結話題。

「Ok Ok。」不爽就不爽吧，反正認真你便輸了。