【愛情】【冒險】【穿越】【友誼】【喪屍】《三天之後，遊戲開始》: CH.12（2）【新人報到】

當然，我唔係為咗想去鐵路站區域。

「阿樂！點解你會喺到？」我當堂嚇一跳。

「吓⋯我點解喺到，真係一言難盡。嗰時，第一日爆發，我因為唔舒服，發燒又病到飛起咁冇翻到學。

但我一起身乜都唔知架嘛，咪標準動作食個藥就去瞓翻囉。

醒返之後咪起身打機睇電視囉，然後我一揸開電視，就播緊預先錄好咗嘅節目，仲要係有關喪屍之類嘅嘢添。





初頭我仲以為邊個控制我部電視睇電影，點知整嚟整去，都係顯示住我睇緊嘅係真實新聞。

我驚到唔知點好，再睇睇電話，個班群已經塞到爆棚，999+條message，全部都係唔知咩訊息。

我咪由朝早啲資料開始睇囉，點知睇咗50條message之後，就見到有篇新聞啦，話係『本港喪屍來襲，大眾自求多福』，我先知道原來已經玩能源，又唔知出現咗咩病毒搞到瀨晒嘢。

我驚到都唔敢出街，同埋即刻熄電視，熄晒所有會發出聲音嘅物件，費時喪屍搵上門。

好彩屋企都仲有啲嘢食同埋武器，我咪諗住食完晒所有糧之後攞架餐出去搵新食物囉，我仲要準備多啲輔助物品或者其他物資咁。





所以我第2日開始統計緊要用到嘅物件，仲有需要嘅武器，預備好咗清單俾我第3日出去搵補充。

第3日，正正就係今日。」

「然後就咁啱啱好見到我咁。」

「你講得冇錯。」

「Ok，咁我地快手啲搵好所有嘢，攞到夠物資之後就走人啦！」





「咪住先，你咁耐都仲喺到，即係話你應該有一個據點或者一個安全嘅地方俾你做容身之所啦。你一個人？」

「唔係啊。我的確係有一個地方可以容身，但係你確定要去我地頭？

定係你需要去搵返你地班嘅據點？我全部都冇所謂，反正我依家得閒，不過首先，都係要攞夠晒嘢食先。我應承咗人要帶嘢食翻去俾佢架。」

「反正我依家都冇地方好去，除咗喺屋企發吽豆，我都唔知可以做啲咩啦。

咁去住你度先啦，見到你點可能唔去做下客人先呢。」

「Okay , okay。」

「咁你有冇咩武器先，我地等陣可能見到唔同嘅敵人。」

「有，一把大菜刀，同埋一把伸縮刀。啊！仲有枝棍。」





「夠用，咁我唔使擔心呢一樣野。行啦，我攞夠嘢食啦，個袋都5成滿啦。我自問自己唔係幾想攞咁多物品，所以我半滿就夠啦。」

「我7成啦，咁行啦，再多我應該攞唔晒啦。」

「我依家未想翻去本陣住，可能搵個地方休息下先，再夜少少我要搵時間去研究一下感染者嘅資料，要行出去觀察佢地，如果唔驚可以跟埋我，驚就同我講，我即時撤退，帶你翻去。」

順帶一提，其實我嘅目標一直都係屋企，只不過想搵翻啲嘢食，搞下事咁樣先會周圍行。

行完一輪後已經緊張到極點嘅我，諗到一大堆嘅走向。

「會唔會一打開樓梯門就見到嗰啲嘢？」

「會唔會行到一半有隻嘢衝出嚟打交？」





「會唔會行到屋企先知道一早俾人爆咗格？」

十萬個為甚麼已經出現喺我腦中。

我地攞出背後嘅刀，阿樂仲要雙手攞起武器，左手持棍，右手持伸縮刀。

隨時預備好有劇烈嘅打鬥。

唔記得講添，佢嘅裝備都幾精良。

除咗武器，仲有道具防彈背心，手臂都俾報紙圍好。

下半身就有各種護具咁樣。

有種專業軍人嘅感覺。





「行啦，去我度先。」

我小聲邀請。