我娶左個台妹做我老婆啊！: Chapter 70

去到馬會會所，見到爹地媽咪岩岩泊好車。一見到我地同世伯伯母就响我按。

我就開開高燈去閃一閃佢地，見爹地隔離車位冇人泊，岩晒就比我泊啦！

一下車，雙方家長就好似失散多年既家人，係到熱烈地相擁，仲互叫大家做「未來親家」。我同嘉欣都互相望著對方偷笑。

去到餐廳，由於今日係跑馬日，呢到全部都人山人海，裡面既全部都係啲社會名流或者政府高官。有啲見到爹地媽咪就向佢地打招呼添。

「嘩呢到就係香港既馬場啦？」嘉欣問。





「你地有冇啊？」我問。

「有啊！」我話。

我地一坐低，個Waiter一見到我地就好好招呼（爹地媽咪係呢間餐廳既常客，以前有時放假就會過黎食），然後佢就叫我同嘉欣負責點餐。而世伯伯母就好隨和，講笑話咩都食，只要唔好叫太多餸食唔晒就OK！

我同嘉欣呢對情侶好合拍，好快就諗好左就叫好餸。至於食飯既Topic，主要都係圍繞返當年佢地係啟德同赤鱲角既青春歲月，又講返我同嘉欣既童年往事，香港同台灣有啲咩唔同咁樣。有時係到諗，如果當年嘉欣佢留係香港，同我一齊讀小學，中學，大學，甚至出黎一齊工作。我諗我地可能已經結埋婚，生埋小朋友，組織家庭。但唔緊要啦，而家我地兩個人可以係埋一齊就OK啦！香港又好，台灣又好，甚至移民外國又好，我地兩個係埋一齊就夠啦！

呢餐飯我地都食得好開心，氣氛好融洽。好似一個大家庭食飯咁樣。至於今日跑咩馬，有咩騎師我都唔理啦。





食完之後，爹地就提議叫世伯伯母先去酒店放低行李，再去參觀下我地個屋企。