我娶左個台妹做我老婆啊！: Chapter 69

我地做好啲Record後，然後就去交比機場警署去等啲警察去Follow Up。

「好啦搞掂！我地去邊啊？」嘉欣問。

「搞掂返去啦！」我話。

之後都係食飯，然後係Terminal行下，冇咩特別。無驚無險又到7點，我地同左夜間同事做好交接後，然後就換衫Punch Out。

同時間，世伯伯母既Flight差唔多On Ground，我地就行返出去當普通人係Arrival Hall接佢地。（其實係Airside接佢地都OK既，不過費事比同事或其他人見到會有說話講）





「欣，世伯伯母係咪坐華航啊？」我問。

「係啊華航CI919航班，佢地係華航高層，到時應該呢邊既Ground Staff會接一接佢地。我地係到等佢啦！」嘉欣話。

「好啊！欣啊？唔知世伯伯母會唔會對我有意見呢？」我問。

「屌你啦！佢地一早知我地D野啦！唔使緊張啦！有欣欣係到你驚HI咩？」嘉欣話。

過左一陣，世伯伯母就出左黎，身邊仲有兩個人，我估計應該係華航HK分站既員工黎。以佢地一貫台式既服務，相信世伯伯母應該地位超然，好有震攝力。睇睇世伯伯母個樣，依然同我小朋友見佢地嗰陣個樣一模一樣，完全冇變過。可以同我爹地媽咪一樣，都係一對「凍齡夫妻」。





「爸爸，媽媽，你們回來了嗎？」嘉欣用國語問世伯伯母。

「係啊乖女，頌賢好耐冇見啦，比我上次見你嗰陣靚仔左啊，唔怪得我個女咁愛你啦！好野啊，我個女終於比你收服左！」世伯大笑。

「老公啊！頌賢唔使理世伯架，佢鐘意講下笑。」伯母話。

我同嘉欣都循例向另外嗰兩個華航員工打聲招呼，互相介紹下自己，方便我地日後因工作需要聯絡。

「好啦賢賢，我地去攞車啦！」嘉欣話。





我地四個就向嗰兩位華航員工道別，然後一齊行去停車場攞車。見到世伯伯母啲行李都幾多下，好彩今日問左舅父借部Land Rover，揸FD2既話肯定唔夠擺啦！

搬完行李，然後就著車走人。

「頌賢啊，而家係咪約左你爹地媽咪食飯先啊？」世伯問。

「係啊，係⋯⋯」我話。

「賢賢，你媽咪Wtsapp話係跑馬地馬會會所食飯啊。」嘉欣話。

「收到！你幫我答我地而家由機場出發，預計半個鐘會到！」我話。

嘉欣就比左個OK手勢我，如果呢個鐘數出港島既都係行3號幹線，西隧架啦，唔通行紅隧慢慢塞咩？

過完西隧，我地就由干諾道直到銅鑼灣，然後轉入跑馬地。