我娶左個台妹做我老婆啊！: Chapter 52

盧頌賢之視覺⋯⋯

穎怡返左入去之後，我同嘉欣、黃校長繼續遊覽我地既幼稚園。呢到就變左我同嘉欣既打卡勝地，好多人話人既一生最開心既就係讀書既時刻，真係可以話係無憂無慮，想做咩都得。嗰陣我成日憧憬外面既世界會係點，但而家⋯⋯我先發覺讀書既時光先係最幸福。

行到咁上下，黃校長因為要處理校務，就送我、嘉欣出去。我同嘉欣就提議約返我地班既同學、黃校長一齊食飯。唔知班同學們見到嘉欣返黎會點呢？

出左校門，由於時間尚早，我就同嘉欣上返電單車。係喎，反正嘉欣今次返黎都未過港島，不如帶佢過海玩下呢。岩啦，就帶返佢去我讀大學既地方---香港大學啦！

「賢賢，你下一站帶欣欣去邊到啊？」嘉欣嗲住咁問我。





「帶你去對面海啊！」我話。

「真架Yeah！！！」嘉欣好開心咁講。

呢到出返HKU，肯定行西隧最快，於是我就上西九龍公路直落西隧。但話時話行呢條路都幾危險，你知香港而又多馬路炸彈，的士叔叔，泥鬼，FV牌既同胞們，T車撚，女司機（嘉欣同媽咪除外）。一稍有差池我地就會冇命。與其學Sky哥哥既極速傳說，不如學下森美，張繼聰咁慢慢Chill下車好過啦，反正我地又唔趕時間架嘛，係咪。

但話時話，入左西隧之後，呢到就好似啲蒸爐，完全呼吸困難。搞到我都要比多少少油，盡快離開呢個地方。出左去就直行去西營盤方向，上返薄扶林道，轉左入HKU Main Campus正門，然後停左車。

「呢到係邊到黎架？」嘉欣問我。





「香港大學啊，我以前讀大學既地方。」我話。

「好靚啊，呢到同台大好唔同，全部都係斜路。」嘉欣話。

「咁呢到係半山黎架嘛，帶你遊下校園啦！」我話。

「好！」嘉欣話。

返到HKU，呢到係我人生裡面其中一個轉淚點，全靠呢到同DBS，先令到我入到機管局做Intern。當然，你話我以前雖然係名校出身，但你話我以前讀書算唔算拔尖嗰個level？當然唔係啦，由細到大，我讀書成績都係中上，唔會要求自己迫得自己太緊，All Pass，每年GPA坐2望3就算
啦。點解？？因為啲時間分晒去練習田徑同籃球，又代表港隊、校隊成日出外比賽集訓。自然會少啲時間去讀書。甚至當時我都係靠運動員加分先入到黎。不過所謂「歲月如歌」，與其係咁迫自己讀死書，不如分配好啲時間做下運動，同啲同學聯誼下，咁樣其實對學業都有幫助。





係香港，其實有好多高分低能既人，佢地除左讀死書，追First Hon攞Scholarship之外，其他都係零。反而讀書成績中游嗰啲，又活躍既人，佢哋畢業後反而會有更好既發展。如果我有小朋友，我絕對唔會強迫佢地做自己唔願做既事，反而讓佢地有全面既發展唔會好啲咩？？

入到HKU既第一站，我就帶嘉欣去大學街，呢到肯定係每個同學返學放學既必經之地。每日都會遇見好多Hi Bye同學。而我平時就係呢到同Jane手拖手返學，不斷係同學們面前放閃。但自從同佢分手之後，我都比較少返黎，就算返都係約埋一班大學同學，赤鱲角同學會一齊返黎。

「係呢賢賢啊，你以前大學讀咩系架？」嘉欣問。

「我讀BBA架，工商管理既面既Marketing。」我話。

「你咁叻，讀書好勁架啦！」嘉欣話。

「你台大都勁架。」我話。

「你串我姐係咪先。」嘉欣扮嬲。





「唔係啦，其實大學冇咩所謂啦，最緊要個名唔差，畢到業咪算啦！台大又好，港大又好，都係大學生。」我話。

「算你啦！」我話。

「係呢？你以前有冇Exchange架？I mean大學。」嘉欣問。

「有啊，Year 3下學期去左澳洲Exchange左半個學期，你呢？」我話。

「我去左日本讀左半年囉，我讀日文加英文架嘛。」嘉欣話。

行左一陣，我見大家都有啲肚餓，就去左我以前成日食既CYM Canteen醫肚。等嘉欣試下HKU既野食。