我娶左個台妹做我老婆啊！: Chapter 40

突然間我個電話叮左一聲，我心諗唔會係Jane陰魂不散咁樣死纏住我掛。我打開一睇，原來係我最牽掛嘅嘉欣Wtsapp我。

「有冇遲到啊？」嘉欣問。

「冇呀仲早到左。啱啱接咗新娘，連男家都拜埋。陣間就會去尖沙咀嗰邊註冊。你準備成點呀？」我話。

「依家扮緊靚靚囉。你陣間會唔會返屋企㗎？」嘉欣問。

「會呀，應承咗要帶你一齊去㗎嘛。」我話。





「yeah！你要車我去㗎。你唔會叫我一個人坐地鐵或者的士咁衰既。」嘉欣話。

「點會啫？我梗係唔會俾你坐小黃啦，我咪就係你嘅司機囉。」我話。（小黃即係台灣嘅的士，同我哋嘅紅的、綠的、藍的一樣）

「你好犀利呀，連小黃都識。」嘉欣話。

「咁我返嚟嗰陣就Wtsapp你啦。」我話。

「OK！」嘉欣話。





我講完之後，Samuel、Rosita仲有成班兄弟望住我，唔使問啦佢哋肯定以為我一定同嘉欣打情罵俏。

「又同Ally傾計呀？」Samuel問。

「係呀！」我話。

「識諗咪好囉，睇嚟陣間直接俾個花球Ally算啦。」Rosita話。

「講真真係要多謝你哋兩個比我壯下膽。」我話。





「喂話晒Ally依家係我好姊妹。當然要帶埋佢啦！至於陣間點樣呢，你要睇你自己！」Rosita話。

「我仲以為Jane個衰婆唔黎添。」我話。

「佢嚟唔嚟對你冇影響個喎，最緊要你點樣對Ally就得。」Samuel話。

「放心啦，今日點都好冇人搶到你地兩個鏡！」我笑住咁講。

呢個時候，其他兄弟同姊妹話買飯上嚟食，不過我就冇我份。點解？因為我要返一返屋企，接我親愛既嘉欣小公主。

同Samuel交待啲嘢之後，我就揸返㗎M3去停車場。就打電話俾嘉欣叫佢落黎。

過咗5分鐘，嘉欣就落咗黎。嗚啊，而家佢呢一個look搞到我即刻扯撚左，鼻血都差啲流埋。

點解呢？因為而家嘉欣今日著左件白色嘅連身短裙，化咗少少淡妝，Set左個靚頭，再着住對藍色Prada高踭鞋，同時佢就拎住左媽咪嘅LV手袋，左手就帶着爹地既Panerai372手錶。無論外在還是內在，嘉欣就好似仙女下凡，充滿一種特別高貴嘅氣質，可以用「完美的氣質女神」來形容。能夠同呢位女神一齊遊車河，簡直係人生一大樂事。而家覺得自己好似有啲襯唔起佢。








「黎左啦？」嘉欣笑住咁問我。

「係呀！你今日好靚呀！」我話。

「即係我平時唔靚啦？」嘉欣扮嬲咁講。

「都靚，你係我心目中係最靚嘅。上車啦不如？」我話。

講完之後我就打開車門比嘉欣，見到佢笑得好sweet，我就知我今次用寶馬車佢係冇錯嘅。不過佢一上車我見到佢應該係實問我嘢。

「你幾時買咗㗎寶馬㗎？」嘉欣問。





「架車係舅父嘅，我架Civic比爹地揸走左，叫我揸呢架車。」我話。

「原來係咁，唔錯喎呢架車。不過⋯⋯我都係鍾意你架Civic多啲。以為你買咗㗎新車添。」嘉欣話。

「我都想，不過養唔起。」我話。

「你咁疊水，一定有嘅。我哋去邊度啊？」嘉欣問。

「我哋而家落尖沙咀。」我話。

「屌你快啲行啦！」嘉欣又爆粗。