我娶左個台妹做我老婆啊！: Chapter 38

趁屋企嘅女人們喺度講嘢，我就當然都要準備下聽日點著啦，通常去婚宴做兄弟嘅話都係着返老西皮鞋，最多玩下啲點綴姐。

講起西裝，其實我自己最多都係得兩三套。而且基本上都係啲比較普通款嘅西裝，仲要係我以前大學嗰陣買落用來做Presentation、見工着嘅。而且價錢都係比較中等同係啲普通牌子，你估我好似林作咁有錢買件六萬幾蚊嘅西裝咩？其實呢西裝呢家野，睇落都係差唔多，最緊要係點樣配搭。如果嗰個人係着得好睇嘅，就算件西裝點平都會覺得好好睇。

之前聽Andy佢哋講，話如果大家結婚做兄弟就要古惑仔上身，全身黑西裝、黑恤衫、黑皮鞋。既然係咁嘅話，我聽日就咁着。

我就攞對皮鞋擦到立立靚、熨好啲啲西裝同恤衫，呢個時候，嘉欣就入左黎。

「你係到做咩啊？」嘉欣問。





「熨衫囉！岩岩擦完對鞋。」我話。

「嘩，乜你識做呢啲嘢架？」嘉欣不懷好意咁問。

「唔好以為男仔咩都唔識，咩都唔做先得㗎。」我話。

「自動自覺做野嘅男仔，我鍾意！」嘉欣話。

比嘉欣咁樣讚一讚，搞到我面都紅埋。但係我由細到大習慣咗咩都要自己親力親為，始終自己嘅嘢要自己處理，冇人有責任要幫我哋善後。





「你諗住聽日點着啊？」我問嘉欣。

「聽日你咪知囉，唔好諗咁多野啦。頭先伯母佢地送咗隻Panerai手錶同LV手袋我啊！比我去扮靚靚。」嘉欣話。

我一邊聽嘉欣講，見到佢原來拎住媽咪最愛既既LV袋同埋爹地最愛既Panerai手錶。睇得出爹地媽咪真係好錫嘉欣，你哋問我會唔會呷醋？我點會呀。平時媽咪成日買埋晒啲LV、Gucci、Prada同Dior手袋，但好多都係擺多過用。依家終於有人肯去接管佢哋啲嘢啦。

「好襯你啊個袋同手錶。」我話。

「好靚啊，不過好似貴得滯喎。唔好意思既。」嘉欣話。





「傻啦你，爹地媽咪送左比你就係你架啦。遲啲你咪送返隻Daytona比佢咪得囉。」我話。

「我聽住先啦。不過⋯⋯聽日你個行程係點樣啊？」嘉欣問。

「聽日我就陪Samuel接新娘先，一接完新娘就過黎接你啦。咁你就可以訓多一陣啦小公主。」我話。

「你對我⋯⋯好體貼啊！小王子！好啦，而家呢就沖涼訓覺啦。」嘉欣話。

「傻瓜，快啲瞓啦，如果唔係咁就靚女㗎啦！」我話。

「小欣欣遵命！」嘉欣好開心咁講。

見到嘉欣訓左覺，同時睡魔急call我，我就較好鬧鐘然後就瞓覺。至於你話Jane佢啲嘢我都唔想理。既然我都已經下定決心，就算佢要生要死都與我無關。依家嘅我，屋企人同嘉欣，先至對我最重要。