我娶左個台妹做我老婆啊！: Chapter 28

返上Terminal，Ashley就返去中央控制中心，而我同嘉欣就還埋件反光衣就返去我地個Office。沿著抵港通道一直都行，你會發現好多航班會陸續抵達，好多旅客就峰擁而至。呢一日，都唔例外。

你話呢啲場面震唔震憾？我可以話比你聽，如果你係一個新入職既Freshmen，就自然會覺得大驚小怪，但當你累積左積驗後，自然會將好多事情睇到好開，唔會當作係一回事。係我眼中，只要唔好太過份或者大混亂，就可以了。

我同嘉欣一直行，去到入境處既管制區域，呢到既朋友仔每日都要處理好多來自世界唔同各地既旅客，甚至好多時候要判斷旅客是否符合香港既入境許可，如果唔符合入境許可，就要通知航空公司，對該名旅客作出拒絕入境，並安排飛機進行遣反或前往第三國。


呢個時候，就見到Leon係到On Duty，而佢見到我同嘉欣一齊就不斷係到奸笑，我就知佢一定不懷好意。同時，佢都係到教緊一個女下屬，睇膊頭應該係見習。你條仆街溝女就溝女啦！

「嘩，Ally終於返工啦！」Leon話。同時佢既女下屬見狀就行開。





「係啊，今日第一日返工。多多指教啦！」嘉欣話。

「唔好咁講，你要多謝Leslie哥啊，佢係機場既大哥大黎！」Leon話。

「講左去邊啊未來入境處處長？」我話。

「開心Leslie哥，有得同靚女行孖Bit。」Leon話。

「邊係啊？佢係我師傅黎架。而且要同你地打好啲關係。」嘉欣話。





「原來係咁，你老公真係領導有方！」Leon話。

「係啊係啊！」我話，然後嘉欣塊面變得好紅。

突然間，Leon既平板收到個Call，原來係佢下屬懷疑有旅客唔符合入境香港既許可，於是就要搵佢幫手去處理，換句話講，即係要安排Airline原機遣反。

「又有Inad？」我問Leon。

「唔知呢。我地去睇下先。」Leon話。





點解要我地一齊睇，因為我要做佢地既協調員，以及要聯絡Airline通知該名旅客被拒絕入境。順便可以比嘉欣了解下萬一遇到咁既情況要點做。

過到去，見到有個日本妹妹好苦惱，然後係到抽泣。而Leon既入境處同事因為唔識日文，所以就雞同鴨講。睇黎個日本妹妹好緊張。

「做咩事啊？」我同嘉欣問。

「個Pax冇登機證同證件，問佢又唔應，淨係識講咩日文定咩文。」Leon話。

「不如⋯⋯比我試下。你地咁樣會嚇親佢架。」嘉欣話。

係喎，嘉欣個傻妹識日文架喎，而且大家都係女仔，好啦就比佢試下啦。於是我就示意Leon比嘉欣去幫忙，等佢同日本妹妹傾下，睇下係咩情況先再算。而嘉欣就用佢一口流利既日文去安慰日本妹妹，而呢個日本妹妹見到嘉欣之後，顯得冇咁緊張，將成件事既來龍去脈話比嘉欣知。

過左大約十分鐘後，嘉欣就走過黎同我講，原來個日本妹妹原來漏左本Passport同Boarding Pass係飛機上，而咁岩佢手提電話冇電。只係話比嘉欣聽佢係坐CX由福岡黎香港，自己叫咩名。





由於呢個時候係旅客抵港既高峰期，為免阻住其他旅客通關既時間，於是我叫嘉欣同Leon帶日本妹妹去入境處既Inad房休息一陣，我就根據日本妹妹乘坐既航班，聯絡返我上司、其他同事、Airline既地勤人員同呢班機既Turnaround Coordinator，睇下佢本Passport係唔係到。

幸好既係，呢班機未開始做Cabin Cleaning，同時因為CX係香港註冊既航空公司，所以機組人員唔需要等候下一班既Duty，可以直接落機。但佢地亦好自願幫手，於是我地就一齊進行地毯式搜索，係機艙中間既某個位置發現到一本日本護照，打開發現真係日本妹妹既護照黎既。唔知係咪因為嘉欣呢個幸運少女係到呢？

於是我就向我上司同嘉欣報告返，然後就手持日本妹妹既護照同登機證，返去入境處既Inad房。而個日本妹妹見返佢重要既護照，即時變得開心起來。不斷咁向嘉欣同我講多謝。

完成左交收手續後，我同嘉欣陪同日本妹妹過入境處同海關，攞埋行李。見到出邊原來佢家長已經等緊佢，而佢係都要同我、嘉欣一齊合照。當然根據規定，同客人合照其實係冇問題既，只係唔好影響到工作同安全守則就冇問題。

日本妹妹就叫佢家長拎出手機，然後就同我、嘉欣一齊合照，見到嘉欣笑得好Sweet，我就知佢真係好有愛心，又操得一口流利既日文。睇黎要請教下佢先得。話時話嘉欣真係好可愛，今期既機管局「女神」真係非佢莫屬。



完成合照後，我地三個就拎出手機，就交換返聯絡方式同合照。然後，日本妹妹就跟住佢家長離去，而我同嘉欣都要繼續On Duty。