我娶左個台妹做我老婆啊！: Chapter 25

「好Yeah，有得飲啦。」嘉欣話。

「你鐘意就得啦！」我話。

「係呢，你好鐘意飲Cafe架喎。今朝又飲、而家又飲。」嘉欣話。

「咁你第一日初黎報到，係要請你飲Starbucks既。每個新同事第一日返工我都會請佢飲啡既。」我話。

「如果⋯⋯邊個女仔做你女朋友呢⋯⋯嗰個女仔前世肯定做好多好事啦！」嘉欣話。





突然間，係我前面⋯⋯有一班CX既機組向著我同嘉欣既方向一直前進，然後望真啲⋯⋯

What the fuck？？竟然係Jane佢地，見到佢個八婆就好似見到老虎咁得人驚，同時又會諗返我同佢分手嗰陣既野。但係呢到咁多人⋯⋯唔會見到佢既。

但冷靜啲諗一諗，以佢個八婆既性格，一定會唔會同我講野。但始終「三十六計、走為上計」都係帶嘉欣離開呢個Area最安全。

「欣，我地行啦！我地去睇飛機啦！」我話。

「做咩喎？人地都未飲晒。」嘉欣係到扁嘴。





「行啦！」我話。

嘉欣明白左我意思，於是就跟住我行，去到第40號閘口到停低左。表面上我地兩個係睇飛機，其實我係等阿Jane佢地行開左先再去其他Area。突然間嘉欣好開心咁叫我過去，我當然聽佢話啦。

「Leslie，你過黎睇下。」嘉欣話。

「咩啊咩啊。」我話。

「你睇下先啦。」嘉欣話。





我就聽嘉欣既話，過去40號個閘口，見到原來係華航既飛機，岩岩有架華航既飛機泊係到，照我估計應該係等Boarding，我就知嘉欣點解會笑得咁開心，原來係佢以前做過既Airline，而且今次仲要係香港「他鄉遇故知」，自然有另一種感覺。



「使唔使幫你影相啊？」我問嘉欣。

「當然要啦，快啲添啊！」嘉欣命令我。

嘉欣一講完，佢講完就比佢部iPhone 11 Pro我，仲開埋啲咩美顏app。果然，天下間既女人都係貪靚既。

我就叫嘉欣擺Pose，佢面露微笑，擺著較為正經既姿勢，與佢既心愛既華航飛機合照。

「點啊？影得靚唔靚啊？」嘉欣問。

「我影點會唔靚啊！」我話。





「睇過？不錯不錯喔。」嘉欣話。

呢個時候，我四圍係到望黎望去，見到阿Jane佢地已經揚塵離我而去。我終於鬆一口氣，希望求神拜佛係呢到唔好再見到佢個死八婆。突然間，嘉欣就哼我個頭。

「講，頭先見到邊個？」嘉欣問。