我娶左個台妹做我老婆啊！: Chapter 2
咁跟住落黎就都係訓覺等到四點幾，你知啦呢段時間會有好多飛機同好多人過黎Checkin，每五分鐘走一班機，我地又要睇住啲Check-in Counter。到時有咩Equipment損壞就唔好啦。
果然，我一出到去，就見到CX同KA個Counter排左好多人，啲客又好多唔知咩國籍，搞到個啲地勤人員做到隻狗咁，你知有啲人又唔識中文，又唔識英文，又有老人家同小朋友，簡直係雞同鴨講。有時覺得佢地真係好慘，人工又唔高又做到隻狗咁，好像「富士康」咁撚仆街。
話就話機場雖然有智能登記櫃檯辦理Check-in同行李姐，但係啲客真係傻架。見到有地勤係到就即刻狗衝，另外有時電腦呢家野好容易會發脾氣，一壞左就仆街架啦！
但好彩，經過大家既合作，好快就搞得掂。而呢個時候，太陽逐漸升起⋯⋯亦都係我要收工既時候。
當我臨收工嗰陣，媽咪就Wtsapp我：「仔早晨啊！你收工未啊？」
「差唔多啦！做咩啊？」我問。
「你收工之後就返黎屋企啦！邊到都唔好去啦！陣間我同爹地約你飲早茶啊！」媽咪話。
一聽到媽咪咁講，我就知肯定唔會有好野。肯定又係幫我做媒去相娣啦。我都唔明點解佢地成日都想迫我結婚姐，沮且經歷過阿Jane比綠帽我戴之後，我就對愛情產生左心理陰影，就算遇到鐘意既女仔，我都唔敢有表示。又或者咁諗，就算真係一齊左⋯⋯但都走唔到最後既⋯⋯咁又有咩意思姐。
我對準我既Apple Watch，係到等收工就即刻返Office打卡。就係我準備走返去既時候，有個女仔拖住兩個大喼加個Hand Carry，走過黎問路，佢就問我：「先生，不好意思喔？請問一下4號停車場是怎麼走喔？拜託拜託！請你告訴我呢！謝謝！」嗰個女仔用啲好嗲既國語同我講，我一聽啲口音。嗚啊！係台灣腔啊！係我最鐘意聽既國語啊！
然後我望一望個女仔⋯⋯
嘩嘩嘩⋯⋯
個女仔真係好靚，好有一種女神般既清純、高貴氣質，個樣好似女神張鈞甯，深啡色既長直髮，雪白般既皮膚，水汪汪既大眼晴、深深既雙眼皮、迷人般既嬌嗲聲線，甜美既笑容，迷人既體香，170cm既身高（我高佢大約10cm左右），最攞命既佢竟然有33F、23、35既豐滿身材，同埋佢對42吋長腿。但美中不足既係佢戴住Cap帽，灰色Hoodie同闊身運動褲，白色Fila波鞋，但佢嗰種傾國傾城既氣質，搞到我差啲流鼻血，「小賢賢」亦都扯都直一直，臉都紅埋。我諗呢個女仔應該係我咁大個仔見過最靚既女仔，因為佢好似張鈞甯⋯⋯啊唔係⋯⋯仲要靚過張鈞甯好多添。
但唔知點解⋯⋯眼定左幾秒，我對呢個台妹有一種好特別熟悉既感覺，因為⋯⋯佢個樣好熟口熟面，好似以前係邊到見過。到底呢個台妹以前係咪見過呢？
但為左解答佢既問題，我吞左口水，就用返國語同佢講：「那你先往那邊一直走就是了！那我就帶你去啦！」
「好的！謝謝你唷！」個女仔同我講。
我就帶個女仔去4號停車場，邊行邊傾計。
「小姐，你是從台灣來的嗎？」我問。
「對啊！但是這一次我回香港是工作的。」台妹話。
「原來如此，好了到了！這裡就是4號停車場啦！」我話。
「好了！謝謝你唷！」個台妹向我道別，臨走前仲向我單左眼，嗚啊！
個台妹走左之後，我就走左返去Office，就換衫打卡走人。頂！唔記得問嗰個台妹抄牌添，真係失策啊。不過算啦！反正應該都唔會再見到佢啦！有緣再見啦！
換返自己衫，就出返黎Landside。見有啲睡意，於是走去M記到買個早晨套餐食，以免發生交通意外。一入到去，就見到我做海關機場科督察個Friend Jay，佢就提議一齊食。
「做咩笑得咁開心啊？」 Jay問。
「冇啊！岩岩見到個靚女！」
「屌機場日日都有靚女架啦！你以前咪成日接阿Jane放工？」
「唔好講個八婆啦！見到佢真係冤家路窄，差啲想入廁格到喊啊！」
「你真係On9仔架！男人呢，唔怕戴綠帽，最緊要除得快！聽我講啦，下個會更好！」
「話就係架咩？但願如此啦 ！」
「會唔會嗰個靚女啊？使唔使彈海關啲女比你啊？」
「唔好啦！你地嗰啲都係男人婆黎！食野啦！」
「好啊！慶祝你脫苦海！」
我同 Jay食完野之後，就去4號停車場攞返架NSR返美孚新邨，離遠見到個台妹仲企係到，唉，如果我今日揸EG返工就可以車佢出市區啦，然後順便抄埋牌。可惜⋯⋯可惜沒如果。點解我咁傻仔要揸電單車啊！
當我想攞頭盔嗰陣，見到有架七人車去到台妹個位置停低左，我望真啲架車既款式同車牌，哇屌！咪係爹地架Stepwgn？？？我心諗爹地唔通⋯⋯收埋左個小三？？
見到咁既情況，我當然要暗中觀察下啦。點知⋯⋯原來爹地媽咪一齊落車迎接個台妹，而個台妹就好似佢哋個女咁向佢地擁抱。之後攞好行李後就上車走人。究竟⋯⋯呢個台妹係咪我邊個呢？
OH，咁即係呢個台妹我應該識架啦？？到底呢個台妹係邊個呢？？於是我就即刻飛返屋企，睇下會唔會見到個台妹。
一用鎖匙開門，見到既係⋯⋯⋯⋯