點樣幫襯2次 就拎到店員電話？: 如何落街跑下步都溝到女

《如何落街跑下步都溝到女》 呢排D Gym Room，球場全部閂晒，作為一個對自己有要求既男人，點可以容許自己賤肉橫生呢！⁣
⁣
放左工，最方便既就係落街跑兩個圈，同時你會發現唔少女仔都鍾意食完飯落街跑步。一黎佢地日頭係咁食，到夜晚就有罪惡感；二黎佢地跑完步就可以直接沖涼訓教，好訓D；三黎夜晚先多人睇IG，佢地又可以Update Story扮健康；最緊要係，夜晚無太陽。所以呢，夜晚跑步係一個唔錯去識女仔既活動。⁣
⁣
以下既搭訕例子，俾你地參考下，唔駛照跟我，因為每個人都有自己既Style，唔同人做有唔同效果。⁣
⁣
首先，跑步前，做下Research先，睇下邊條路線最多人跑，多數係邊個位休息。另外，上YouTube睇下D跑步教學，袋定D技巧落袋，一陣你就知有咩用。⁣(另外可以上我地 ig: hkmixgirl 睇下有冇新招先...)
⁣
然後，就沿路跑，睇下有無目標（記住唔好搵D睇落好專業果D，你只會自取其辱，搵D個樣新手D既，非運動型既），有既呢就留意下佢既跑姿，睇到佢有咩錯處呢就記住先，然後就跑過佢，係終點等佢。⁣
⁣




好啦，到佢跑完啦，俾佢抖順條氣先。慢慢行過去，「喂，你頭先都跑得幾快wor，你成日跑步ga？」，讚一讚佢先，令佢放低戒心。佢多數會答「唔係呀」或者「間中啦」。咁你就開始要扮專家啦「不過呢，我覺得你個重心可以再處理得好D，開頭你可能無咩野，但跑耐左會傷到個膝頭ga。」十個女仔有八個跑完步都會膝頭少少痛，佢呢下就已經開始覺得你識野，對你多少少信心，會同你傾下跑步經。⁣
⁣之後，你咪再食住上拎Contact，約佢下次一齊跑，再幫佢執執D動作之類。Easy, right?先唔講溝唔溝女，人地夜媽媽一個女仔落街跑步，陪下人都係一個Gentleman應有既風度，做護花使者可能仲有發展機會呢。⁣  完