點樣幫襯2次 就拎到店員電話？: 點樣幫襯2次 就拎到店員電話？
曾幾何時，你出去吃喝玩樂既時候，都會遇到一兩個，清麗脫俗既服務生。當時既你，除左深深記住佢個樣，然後返屋企打J之外，你有無諗過，其實你同佢可以更進一步？
如果你曾經主動識過服務生，恭喜你，呢個Post唔岩你，你可以過幾日再黎。但我相信百分之九十既男仔都無試過，一黎怕羞，二黎無膽。但相信我，服務生都係人，佢地日復日咁返工就好似一潭死水，你既攪動可以為佢地帶黎少少返工既樂趣。所以，首先調節心態，服務生需要你。
就以雪糕店為例，如果屋企有D侄仔呀外甥之類，可以借佢過橋。
第一次，就話唔知侄仔想食咩味，叫店員推介下，再逐隻味試吓。店員見你咁錫小朋友，已經加定D底分俾你。
第二次，就真係帶個侄仔去，
叫侄仔講「姐姐，你上次介紹果D味好好食呀，今次我想一路食，一路俾你睇呀～」
多數女仔對小朋友既呢D請求都唔會拒絕，自然就會俾佢個Contact你。
返到去，就影下侄仔俾佢睇，影得可愛D，激發佢既母性。跟住就可以用侄仔做引子繼續傾落去，慢慢了解佢多D。時機成熟仲可以約佢出黎同侄仔玩，繼續發展落去。
記住，可愛既野，小朋友呀，寵物呀，永遠係你溝女既好拍檔！