因為ex，我決定向全世界嘅女人報仇: 外轉 - 日記

外轉

「呀文，你依家點呀？你仲有冇掛住我呀？

佢搵左我傾..，我完全無諗過佢會主動搵我，我以為佢係啲好林嘅女仔。原本我無諗住要同佢當面對質，我甘願暫時做你背後嘅女人。但出於對情敵嘅好奇心同佢嘅勇氣，我應承左佢，我好想知邊個搶走左你。

我地約左係cafe， 我比約嘅時間早左五分鐘到。 但佢竟然比我更加早，佢一眼就認到我，揮左揮手示意我行過去。

佢對於我嚟講好陌生，但就好似一早已經知道我嘅一切。你究竟同佢講左幾多我地嘅嘢比佢知！我叫左杯iced americano, 佢叫左杯熱mocha。



我認真咁打量佢嘅衣著同樣，佢同我想像中差唔多，化左淡妝，感覺好斯文，完全唔似你會鍾意嘅類型。你就係為左佢而猶豫不定？

佢一開口就叫我可唔可以唔再搵你。佢眼神好堅定。
我無答佢。

跟住嘅對話，圍繞着我地去完台灣之後發生嘅事。佢同我講你當時因我有幾沮喪 有幾崩潰，而佢用左好多心機同時間去陪你渡過無我嘅日子。

因為我，你失眠到連返工做嘢都無精神。
因為我嘅消失，佢每日都安慰你嘅心靈。
因為我，佢開始由同情到慢慢愛上左你。


亦都因為我，你地一齊左。

我一直沉默。佢愈講愈激動，隻眼紅晒。

雖然我睇得出佢好緊張你，將你擺到比任何人都重要，甚至肯求我唔好再出現係你眼前，咁樣你先可以真正忘記到我，但我唔想我唔想我唔想放手。因為我睇得出你仲係愛我，你望住我嘅眼神，同我講嘢都係咁溫柔。我唔信我眼前嘅女人可以取代到我嘅地位，我唔信你對佢係真心嘅。

但佢愈講落去我愈內疚，佢比我睇你地嘅相，你嘅笑容好暖好甜。曾經我以為只有我先可以令你笑得咁開心。

我好唔甘心，點解你唔等我，點解你要搵佢陪你，點解你要比機會一個女仔為你默默附出，點解唔信我...我好嬲，好嬲自己點解唔信自己有能力可以離開前任，點解我唔比承諾你...



我望住眼前呢個女人，佢每晚拖住你瞓覺，陪住你。我開始懷疑自己，到底我留比你嘅係咪只有痛苦嘅回憶，到底你...你種愛唔愛我？」

我寫到一半..望住啲冰慢慢咁溶化，淡化咖啡嘅苦澀。但同時溝淡左成杯啡嘅味。
細個嘅時候， 我係Cafe做過，最鍾意飲mocha，可可粉味蓋住咖啡嘅苦同酸，又唔會太甜。
大個左之後，飲得最多嘅係齋啡。飲得多都唔覺得苦，反而冇咗可可粉同奶味之後，更加飲到咖啡最原本嘅味道。我眼神放空左，然後重新再寫。

「我唔覺得我一時三刻可以決定到，呢刻嘅我好迷惘，我唔想諗，我唔想諗無左你會點。

我同佢講「我要啲時間消化下。」講完 擺低錢就走左。

果刻我只係想離開，好想你同我講一切都係夢。我無辦法繼續望住佢，望住佢我只會諗到你同佢拖抱錫甚至乎...

嗰晚我一直係到諗佢同我講嘅野，一直反問自己到底做緊咩，點解愛一個人都咁難。聽到佢同你經歷咁多，我開始懷疑到底我係咪真係了解你。

我諗番起我地最後一次嘅見面，你大大力咁錫落嚟，我好享受。好享受同你做愛嘅每一刻，你每一下都深深咁插入嚟，好似將你嘅愛一下又一下咁注入嚟。但你一完事就話要走 ，我知道因為你唔想佢亂諗，然之後毫不猶豫咁走左，留低左我一個人。我好記得我嗰陣好唔開心，但又要忍住，唔可以係你面前喊，因為我唔想承認你為左佢而扔底我一個...



呀文，你到底想要咩？嗰日我返到屋企喊左一晚，都唔記得幾時訓左...

天好陰沉沉，堆積左好厚嘅雲，但又未落雨。我同公司請咗病假就去咗你屋企樓下嘅茶餐廳，希望可以撞到你。但我左成粒鐘都唔見你。

我好辛苦呀！呀文！我唔想再忍，我唔想做第三者，好想光明正大咁拖住你隻手，好似係台灣咁生活。

阿文，你會唔會為咗我放棄佢？雖然答案已經好清楚，你揀咗佢。。。你聽電話嘅心虛樣、你為咗佢大聲喝我，我好心酸。但我唔想輸，唔想再爭。

過左好耐，你無搵過我。我就好似我又可痛可無咁。阿文，我好攰啦，我...我想保留最後嘅尊嚴，我唔要你親口同我講你揀邊個，我唔要。


呀文，我好想同你講「多謝」，多謝你陪我去台灣，多謝你比咗勇氣我，多謝你比我快樂嘅回憶。我唔知道10年之後，你仲會唔會記得我，但我希望你記起我果陣時係開心嘅。

呀文，我愛你。



曉琳」