因為ex，我決定向全世界嘅女人報仇: 婚姻

第二朝一起身Rachel就同我道歉。
「Sorry呀..我琴晚唔應該咁嬲..」佢話。
「唔係啦，我應該道歉就真。我明明應該同你講」
「唔緊要啦..都過左去，佢都有男朋友」
「凝凝」
「嗯？」
「我愛你」我講完錫左佢一啖。
「傻瓜！快啲刷牙啦」
「哦！嫌我口臭啦喎」我慢慢將個頭控埋佢。
「喂也..！死開...」佢笑住講。



我地婚禮都籌備得七七八八，但係今次真係用左唔少積蓄。我曾經有諗過買樓，但又唔捨得搬走。Ok我認，主要係唔夠錢。不過我本身唔介意租樓，係唔係幫人供樓冇所謂，反正租金正常，住得舒服方便就夠。當然，呢個前題係我地未有生小朋友嘅打算。不過而家呢啲時勢，係度生都唔知係咪真係好。我地有曾經傾過，Rachel想要小朋友，而我地都唔想小朋友係咁嘅環境下成長。不過船到橋頭自然直，呢一兩年都係儲多啲錢先。

婚禮唔算搞得超大，但都有啲規模。我請哂由中學到做嘢嘅人嚟，小學同學就算鳩數啦，都冇聯絡..。兄弟當然唔少得賢狗，佢都算係我最fd嘅仔，再加啲大學同學。Rachel就搵左佢幾個同事同埋由細玩到大嘅姐妹組成姐妹團。婚禮當日朝早嘅活動冇咩特別，不過好彩大家都玩得幾埋，佢地都算幾玩得。到左夜晚我同Rachel都好緊張，我地都好想成個婚禮順順利利。婚禮司儀Rachel 就搵左個有做開嘅中學同學，彩排嘅時候睇佢都講得幾好，應該冇咩大問題。呀婷今日都有帶埋男朋友嚟，坐我大學同學嗰枱。我都有諗過佢會唔會嚟，但佢嚟我都開心嘅，Rachel今次都冇講啲咩。

我同Rachel之前都有互相見過家長，我屋企人幾鍾意Rachel，話佢好乖。而佢屋企人對我都幾好，但就冇咩特別comment。今日我地兩家都係度，feel到佢地都幾開心，都算融洽。我同Rachel而家係化妝室入面準備緊最後啲嘢，佢今日真係好靚....
「你真係好靚...」我望住佢，我好少見佢化咁多妝。
「係咩..」佢怕醜。
「嗯」我好認真咁望住佢。
「喂也..」


「老婆」我同佢講。
「呀文...」佢又怕醜
「唔得嫁，要叫老公」
「...老公」
「傻妹」我行埋去錫佢。我想摸佢啲頭髮但又好驚整亂。
「喂也..會錫花個妝...！」佢想輕輕推開我但又夠力。
「哈哈唔怕啦，一陣再補..」
「喂也....乖啦，今晚再錫好冇？」
「你今晚又會好攰嫁啦...」
「咁..而家都唔可以做啲咩...」


「凝凝...～」
「傻仔..，今晚比你，好冇？」
「好啦，但有冇婚紗look嫁」佢話。
「衰人！」佢打左我一下。
我地打打鬧鬧左一陣，就有人叫左佢出去。我自己坐左係入面碌電話，唔想出去應酬住，我隨便睇啲無聊嘢。
突然間有人敲門..？邊個。
「入嚟呀，門冇鎖呀」我話。門慢慢打開.....
「呀文...」
「高曉琳！！！！！？」