因為ex，我決定向全世界嘅女人報仇: 冇勇氣見你

當我決定左一樣嘢嘅時候，我就會一路堅持落去，點都唔會再望返轉頭。我同我老公嘅婚姻，或者早就係佢有第二個嘅時候完結左。之後嘅我地只係互為互利，佢當我係好做得嘢嘅秘書，我要佢嘅錢，係咁簡單。

係婚禮完左之後我自己一個返去，佢照舊唔知去左邊。我一返到去就不停上網search有關離婚嘅資料，我係google打「離婚」，出左一大堆律師行嘅廣告同政府網站。
「怎樣辦理離婚....」
「假如是單方面提出離婚呈請，呈請人須填妥一份「離婚呈請書」，親自送交家事法庭登記處....」我應該算係單方面，定係我應該同佢講清楚。呢方面我真係冇諗過..如果我冇同佢講清楚，只係單方面要求離婚，我要有佢通姦嘅證據。但我又驚佢唔肯同我離婚，咁我應唔應該問呢...。有時候當我好想搵人問，但我發現根本唔會有朋友有離婚嘅經驗..我呢個年齡，好多朋友甚至連婚都未結。我決定都係問一問律師行，睇下應該點做。我再搵一搵資料就太攰訓著左，夢入面我又見到呀文....

「生日快樂～」呀文同我講。
「多謝你呀！」我話。
「快啲許願啦！」佢講完我雙手合十。呀文，我淨係希望可以同你一齊，我對你係真心。無論有幾多困難都好，我都一定會堅強。呀文，我愛你，就算發生咩事都好，我都愛你。經歷過咁多風風雨雨，我而家最想要嘅只係簡簡單單係你身邊同你一齊。我唔要大屋，唔要靚車，我只係想要你。我知道，同你一齊我先真正感受到幸福......。好，我慢慢打開眼。.......！！！呀文呢？
「呀文！」我係佢屋企大叫，冇人應。我行過哂成間屋，得返我一個同我個蛋糕。


「呀文！！？」
「嗚.....點解連你都唔要我.....！！你去左邊呀..！我....我好辛苦....你知唔知！呀文！！！...唔好....唔好唔好唔好...我唔要..我唔要...唔要呀！！！！」呼....呼..我又發惡夢......唔得，我要上去佢度。

我即刻換左件衫，拎左車匙就揸左架車出去。我望一望手機，而家凌晨三點..。我一路揸車一路諗返起當日係手機後面嗰把女聲，個女仔究竟係咪真係佢女朋友...，我一定要係離婚之後搵佢講清楚。我好快就到呀文屋企樓下，我將架車泊左係出面。我一步一步行近呀文屋企，我抬起頭，我記得佢係住係十七樓。二四六八十十二十四十六.....十七樓係未熄燈..！呀文...我係你樓下啦..，你望落嚟就見到我。我摸一摸褲袋，佢屋企鎖匙就係入面，我只要而家行上去..就可以見到佢。我慢慢行去佢屋企樓下...，我伸隻手準備想去禁密碼.....。定係都係算呢...我臨禁落去之前又開始驚....，會唔會阻住佢呢..，如果我上到去係女人開門點算...。我隻手係半空中停左...
「唔該借借」有個陌生男人突然間係我後面。
「..！Sorry！」我行開左一邊，唉...都係算啦。我行返入架車，透過車嘅窗口望住呀文屋企...我真係好掛住佢，但我冇勇氣...我好驚我最唔想發生嘅事發生左。而家嘅我，跟本都未有資格去爭，至少我要離左婚先，但係呀文你一定要等我....。我決定返到屋企要同老公講離婚，我唔可以再拖落去啦。我一直望住佢屋企，諗起我地一齊嘅經歷同回憶，我坐下坐下就係車入面訓著左。呀文...我想你原諒我....我咁耐都冇搵你...係有苦衷嫁...。

你不知道我為什麼離開你
我堅持不能說放任你哭泣
你的淚滴像 傾盆大雨


碎了滿地 在心裡清晰

你不知道我為什麼狠下心
盤旋在你看不見的高空裡
多的是
你不知道的事