因為ex，我決定向全世界嘅女人報仇: 生日快樂?

聖誕節之後好快就到我生日，因為我係年頭生日，所以成日收完聖誕禮物就可以收生日禮物。我feel到Rachel近排都神神祕祕咁，我都估到佢係準備緊啲咩比我。但我都唔踢爆，繼續好似平時咁過日子，等佢比surprise。但我點都冇諗過...今個生日比聖誕更加難忘.....

我生日嘅前一晚，我同Rachel一樣係岩岩做完愛，然後邊聽緊歌邊訓左係張床。而家都差唔多十二點，就嚟到我生日正日。Rachel話佢想去一去廁所，我已經估到佢可能係有啲咩準備要比驚喜我。我訓左係床度碌ig，望一望，岩岩好00:00。
「叮！」我手機震左一下。我望一望，係個我冇save 嘅電話wtsapp我，個名嘅preview係「NK」。NK？正當我想禁入去睇嘅時候，Rachel拎住蛋糕開左門。
「Happy birthday to u~~~~~」佢點左蠟燭，捧住蛋糕入我房同我慶祝。
「哈哈傻妹～我估到你啦！」我話。
「哎呀唔準咁多廢話呀！快啲許願再吹蠟燭啦～」
「嗯～」
我雙手合十，合埋對眼，我諗緊我應該許咩願望.......嗯.....希望自己同身邊嘅人身體健康啦...身體一定最緊要。我相信呢個世界有神，神而家係咪聽緊我講嘢呢...？如果係嘅話，我仲希望，我可以一直都同Rachel一齊開開心心咁過。我唔想再受情傷啦，我只係想同我愛嘅人繼續一齊，我衷心希望你可以成全我地。最後...我仲想用呢個願望去贖罪，我希望曾經愛過我嘅人，都過得幸幸福福，係咁多了.....。我慢慢打開眼。
「呼～」用力吹蠟燭。


「生日快樂～」Rachel話。
「多謝～我愛你呀凝凝」我笑住望住佢。
「我都愛你！」佢講完就錫左落我到。然後我地食蛋糕，再落去買左少少宵夜食。返到屋企再沖一沖涼，就入返房。我地訓左係度用手機，我背住佢，突然間醒起岩岩有個人wtsapp我。我打開wtsapp，有啲朋友同我講生日快樂，但最令我在意嘅，都係個叫NK嘅人。我禁左入去：

「呀文...生日快樂呀～」佢話。
「你係...？」我問。
「.....我係Nicole...」
「..........」我個心好似抽左一下，心跳突然間加速......係佢！！係佢！.....咁多個月冇出現過...佢終於搵我.....點解...點解佢會有我電話！！同埋點解佢會知係我生日...！我即刻勁驚咁擰轉身望一望Rachel，佢玩緊手機。我擰返轉頭，再小心翼翼咁覆佢。
「你究竟去左邊....點解而家先出現返...」我問。
「我...我一言難盡.....，你得唔得閒...我可以而家去你屋企同你講」Nicole話。...我點可以比佢上嚟..，Rachel仲係度...。


「我....我有啲攰...」我一路打一路心虛，我唔想比佢知我已經拍拖。
「咁好啦...我下次再上嚟」佢話。
「我屋企近排唔得呀...一係再約？」
「哦..咁....咁好啦....你幾時得閒？」佢問。
「再搵你？..」我又再心虛，今次心虛係驚比Rachel知..
「嗯...！生日快樂」
「哈哈..多謝....但你點解知我生日嘅？」我話。
「下次見到面同你講啦～」
「..好」
「咁好啦，你攰就早啲休息啦！」佢話。


「知道啦～你都係」...我覆完就放返手機係床頭櫃，我再望一望Rachel，佢都係用緊電話，冇望過嚟。呼...好彩，我唔知點同佢解釋我想同Nicole見面...佢一定會呷醋會唔開心，但我真係好想知道佢究竟發生左咩事...同埋我認，我心入面都仲有掛住佢.....。

我合埋眼，又諗返起我地當初嘅回憶...由去club識佢..到去我屋企....佢生日..再去台灣......屌...明明Rachel就係我隔離，我點可以諗起另一個女人，我覺得自己個心好似出左軌咁。唔可以..唔可以.....唔可以.......！我已經有Rachel啦...我唔容許自己破壞自己嘅愛情...。我決定左見佢，但我應唔應該話比Rachel知...............我諗諗下就訓著左.....夢入面我又好唔爭氣咁見到Nicole..我地兩個拖住手，但經歷嘅場境係我同Rachel嘅經歷....個夢搞到我好分唔清楚。我只係知，係夢入面，我好開心...，但我想知開心嘅感覺係因為我拖住Nicole，定因為我下意識回憶起同Rachel 一齊嘅時光。

人只得一個 情趣太多
而手得一對 最愛太多