因為ex，我決定向全世界嘅女人報仇: 終於..

當一切都習以為常嘅時候，就好容易跌左入「唔想改變」嘅陷阱。既然而家活得好地地，點解要改變？呢個係好多人都會唔小心步入嘅愛情陷阱，其實有好多問題，只係你覺得好地地姐。我同Rachel就係咁..雖然我地唔算係愛情，但呢半年我真係習慣左有佢身邊，而又唔想有改變。

但唔係你唔想改變，就唔會有改變

今日，我同Rachel嘅關係就注定要有改變...而我冇諗過，竟然會係因為一張相....我地一如既往咁放工、食飯、散步、返屋企。我地各自沖完涼，hea左陣又返左房。
「播啲歌啦～好悶呀」Rachel話。
「好呀，你想聽咩？」
「我今日想聽英文歌～」
「Ed Sheeran ？John Legend？」我話。
「求其啦～英文歌都得」


「好啦～」我禁入我個英文歌list，隨機播左首歌。真係Ed Sheeran..
「聽得多廣東話同台灣歌都想轉下channel ～」佢話
「哈哈，我都冇所謂呀，我咩都聽。一陣洗唔洗比你聽下米津玄師，哈哈」
「今日英文台呀！」
「好啦好啦～」我坐左係枱用緊電腦，佢就坐左係床用緊手機。一直都相安無事，直到佢無啦啦叫我。

「呀文！我近排真係勁多fd結婚囉..，我啲中學同學又有，大學同學又有...但係你睇下，佢地兩個勁唔襯囉.....。我印象中佢地一齊左冇耐炸..咁快結婚」佢遞左部手機比我。
「係喎...佢地兩個嗰feel真係好唔襯..可能比人搞大肚呢...」我話。
「哈哈，你好衰，但都有可能嘅..」佢話。



我睇相嘅時候有時會focus左係其他嘢度，佢呢個post有幾張相，第一張就係得新娘新郎。我掃左去另一張相...屌..........Nicole....？我懷疑我睇錯....我再zoom大....我肯定係佢！張相有4個人....新娘新郎..Nicole..同一個男人.....。呢個就係佢老公.......？我好難形容佢老公係咩樣....總之就係上流人士嘅樣...高大，有一種獨特嘅男人味...唔算靚仔但幾型.....。原來係咁.....我點同佢比呀......我一直望住相入面嘅Nicole..我個心又好似比人插左一刀咁。冇諗過..佢消失左係我生命入面咁耐..但突然比我見到佢..原來..仲可以咁痛。
「呀文...？」Rachel問我。
「......」我滴左一滴眼淚落佢手機..
「呀文.....你....你做咩啦...」佢行埋嚟，想望我。
「...冇嘢...」我擰轉頭，唔想比佢見到我喊。
「呀文...」佢拎左張櫈，坐左係我隔離。
「......」我開始忍唔住，一滴又一滴嘅眼淚流出嚟。
「冇事...冇事....」佢捉住我隻手。
「....你個fd...佢係咪讀xxx...」我話。
「嗯....你見到熟人..？」


「....」
「Nicole..？」
「.....」
「點解...點解都過左咁耐你仲要喊...」佢問。
「你都唔明...」
「你先係唔明嗰個呀！」佢大聲咁同我講。
「..」我嚇親。
「人地有老公嫁！你係度唔開心又可以點呀！你地會一齊咩...！」佢講得好大聲，講到佢自己都有少少哽咽。
「佢話過要我信佢.....」
「信？佢叫你信佢就唔會咁耐一個message都冇啦！你又真係信佢！！呀文！你真係好蠢呀！！！」佢喊左，然後擰轉頭唔望我。
「Rachel....」我有少少嚇親...，想安慰下佢。
「你唔好掂我呀...嗚....衰人！」..唔通...

「周紫凝！」
「.....哼！...嗯..！」我講叫完佢個名，就用力捉住左佢擰左過嚟，然後我大大力抱住佢。


「......」佢好似有少少嚇親..過左幾秒，佢用力捉實我，抱到好實。我地兩個就咁抱住，感受住對方嘅溫度。過左半年，我地終於越過左呢條界線。抱住佢嘅時候，我知道我地兩個之後唔會再一樣...但呢一刻..我嘅心好似終於填返個窿。抱住左佢之後，佢喊得更加犀利，我就不斷用手慢慢掃佢啲頭髮。
「乖...唔喊，唔喊...」我話。
「呀文...！」佢抱住我。
「嗯...？」
「你係咪一直都知...」佢話。
「嗯....我知你想講咩...」
「咁.......可唔可以..」佢話。
「...但..我唔知我個心放唔放到另一個人...。Rachel..你肯定...？」
「我....嗚...我唔知.....但我真係好鍾意好鍾意你....」佢越喊越犀利。
「.....」
「我一直係你身邊..唔通你就連少少都唔鍾意我咩..？我肯定唔係...！你一定有鍾意我！係咪呀..呀文...」
「有...我冇得否認..我鍾意你...」
「咁就得了....你鍾意我就夠..」
「但係...我..我唔知我可唔可以對你好....老實講...你都知..我未放得低Nicole...。我唔想咁自私，唔想同時擁有你嘅時候個心仲有Nicole...」
「嗯，唔洗講啦....我都想自私一次，你就比我留係你身邊好冇...我有信心..我地兩個一定可以行得好遠好遠，我有信心...我會令你忘記Nicole...。信我..？好冇？」



當我信左你
就證明我已經唔再信Nicole

或者呢個世界唔容許我太自私，我今日終於都要答呢一條選擇題。「信我」..當初Nicole都係咁講。我而家攬住Rachel..但又諗起Nicole嘅呢句....。冇錯，當我信左Rachel，就證明左我唔信Nicole會為左我做嘅所有嘢。呢個選擇題變左揀一個愛你多啲嘅人，定係一個你愛佢多啲嘅人。我唔識揀，我唔鍾意揀，但係我決定順住自己個心。我比Sophia傷害過，比Nicole傷害過，我係咪仲要為左一段冇未來嘅關係付出..？老實講，我唔係信唔信佢地...我係唔信我自己，我唔知我要用幾多時間去放低Nicole。我都係要同佢再講清楚...

「Rachel..你聽我講先」我輕輕推開左佢。
「...嗯」佢隻眼仲係好紅咁望住我。
「我真係唔知我咁嘅狀態可唔可以比到幸福你」
「我知...我都已經用左半年時間去做心理準備....。我甚至有試過搵其他男仔...你都知...到最後我都係冇辦法離開你...」
「我唔值得....」我話。
「邊有值唔值得！你唔準咁樣拒絕我呀...！我...嗚....我...」佢又喊。
「咁對你好唔公平...」
「你...你唔肯比機會我先係對我唔公平呀！嗚...！」
「你真係好鍾意我...？你唔會離開我？」我問。可能你覺得呢個問題好白痴..但當你比人hurt過你就會明，我真係好驚有人再離開我。


「嗯！嗯嗯嗯！我應承你！」佢係咁點頭，好肯定嘅語氣。
「好....」我話。
「多多指教啦，呀文」佢嘅眼淚冇停過，但佢呢一刻笑得好開心，係我第一次見到佢呢個笑容..係幸福嘅笑容。
「傻瓜....」佢嘅笑好似真係可以撫平我內心嘅波動。我摸住佢個頭，然後..我錫左落佢個嘴。半年後，我地終於都係一齊左，終於都係跨過左呢條界，錫左落佢。我選擇左佢，係因為，我知道佢可以比到幸福我。我個心話比我聽，係Rachel身邊，好舒服、好幸福。

終於等到你還好我沒放棄
幸福來得好不容易 才會讓人更加珍惜
終於等到你差點要錯過你
在最好的年紀遇到你 才算沒有辜負自己
終於等到你