因為ex，我決定向全世界嘅女人報仇: 你可唔可以唔好走

第二日起身我個鬧鐘嘈醒埋Rachel。
「Sorry呀...你繼續訓啦...」我話。
「唔係呀..我都差唔多返工..」
「好啦，落去食早餐？」我問。
「嗯！」佢一講起食就興奮..。當我正想係房換衫嘅時候，我醒起佢都係房...有多左個人係屋企就係會冇咁方便。之前Nicole 係度，我換衫都冇所謂，因為我都當佢係我女朋友，但Rachel唔係....
「咁我去刷牙先啦」Rachel話。
「嗯」佢出左刷牙我就嗱嗱臨係房換衫，然後佢一出嚟就到我入廁所梳洗，到佢入房換衫。琴日幫佢執嘢都留意到，佢啲底衫褲應該另外放左入個袋度，我諗佢怕尷尬。淨低嗰啲就放左係我衣櫃，但我太低估佢啲衫嘅數量了...佢好似已經做好長期係我屋企訓嘅準備。咁當然..有個靚女晚晚同我一齊訓緊係好，但重點係有佢係我身邊，我覺得自己真係可以慢慢放低Nicole...

「行啦～帶你食呢頭嘅高質早餐」我話。
「好呀！！」


「係喎，下次我地再早啲起身我可以車你返工」
「唔洗啦..你唔係係港島返工咩」
「係呀，冇所謂啦當遊車河」
「傻左呀你！唔洗啦」佢話。
「好啦」我話。我地食完早餐我就揸車返工，佢就搭地鐵去太子。然後返返下工，臨放工之前Rachel wtsapp我。

「一齊食飯？」
「可以呀，你想出去食定煮」我問。
「出去食啦...我煮飯麻麻地..」佢話。我突然間好掛住Nicole煮嘅餸...記得佢每一次煮出嚟嘅嘢都好好食..只不過佢而家係幫佢老公煮........
「嗯..你放工同我講啦」


「好～一陣見啦」佢話。放工之後我同佢一齊食飯，然後再一齊返屋企。呢種同居生活好微妙...我又唔係佢男朋友，我地就好似夾租咁樣，但又係好朋友。我地生活上都有少少分別，我啲嘢比較整齊，佢啲嘢多數亂少少。我有時朝早沖左涼，夜晚就未必沖，佢就一定要沖涼先會訓教。為左就對方，我地都互相改變左少少，算係變好左。夜晚，我地又播少少歌，多數播繼首就會訓得著。佢唔係次次都唱比我聽，有時佢都好眼訓，有時就我唱下咁。直到有一晚，我又發惡夢.....
「Nicole....！」我叫左出聲....
「呀文...你又夢到佢？..」Rachel 好似比我嚇醒左。
「嗯....我...我都唔知點解...」
「乖.....我係度..」佢隻手又捉住我。
「Rachel....」
「..嗯？...」
「你可唔可以唔好走...」我話。
「我係度呀..點會無啦啦走..我地.....朋友嚟嫁嘛」
「嗯....咁就好...可唔可以一直捉住我..唔好放手」


「好..我應承你」佢話。

慢慢，我同Rachel 已經同居左一個月，但我地之間冇發生過啲太過火嘅行為。除左...我地間唔中會拖住手訓教...但佢話係驚我又發惡夢。我開始好習慣叫醒佢一齊食早餐，因為佢次次都訓到成隻豬咁...我就好似呀媽咁每朝叫佢起身。試過有一次我訓過龍，佢都跟埋一齊訓過龍，最後就一齊遲到。我都慢慢習慣廁板永遠都係關埋，廁所有一大堆護膚品、洗頭水、護髮素。習慣左放工就同佢食飯，然後再一齊返屋企。
當一個麻甩佬自己住慣左，有啲嘢一開頭真係會唔慣。例如唔可以沖完涼赤裸上身行出嚟，又或者男人嘅「私人手部運動時間」....都唔可以做。雖然，你地可能話我on9，有個靚女同你一齊住都唔食，但係我真係好驚破壞左我同Rachel嘅關係。我覺得同佢咁樣好舒服，我唔想進一步，唔想退一步，就咁樣就岩岩好了。吸收過呀婷嘅經驗，我唔會再隨便搞自己嘅fd。不過..有時佢真係好引誘...倒如佢啲熱褲....佢啲貼身運動褲.......同埋佢啲少少透嘅薄T恤...，搞到有時我要等佢夜晚訓左先偷偷地係廳做啲一人運動。但無可否認，同佢一齊住，我好開心。好似多左一個伴，又好似多左一個我可以隨便講心事嘅人。再加上佢開心果嘅性格，成日古靈精怪，但又氹得我好開心。我發惡夢嘅次數越嚟越少，雖然間唔中都會好掛住Nicole..但有佢陪住我，好快就冇事。佢都開始當左呢度係佢屋企，今日我就同佢去行ikea買啲新家俬。

「呀文～呢度呀～」
「嗨～」我話。
「嗨～呀叔」
「叔你個頭，行啦！」我話。
「哈哈～係～」