因為ex，我決定向全世界嘅女人報仇: 沉船

最後，過左一個月，佢終於要同我見面。
「你想食咩呀？」我係電話入面問Rachel 。
「都得呀～你簡啦」
「哦～咁食三哥啦」佢講笑咁講。
「好呀～驚你呀？我三哥Fan屎嚟」
「食屎啦唔要呀！」佢笑住講。
「女人就係咁嫁啦～又話冇所謂又要唔得～」
「哼～我諗唔到炸嘛！」
「拿，規矩就係你推左我個建議，所以你要提出個新嘅選擇」我話。
「下..但係我真係諗唔到喎」


「咁你鍾意食啲咩嫁？」我問。
「我冇咩特別話好鍾意食嘅嘢喎...」
「咁有冇咩唔鍾意食先」
「我唔鍾意食....哎呀一時三刻諗唔到呀..」佢話。
「....咁唔緊要啦，到時再算？行下見到咩想食就入去？」
「都得呀！咁下個禮拜六晚？」
「好呀～」我話。
叮～突然間我手機震左一下。因為我而家戴住耳機訓左係床上面同佢傾，所以我可以邊傾邊睇其他嘢。我禁左出去，見到有wtsapp。咁夜啦...邊個搵我？.....................屌............係Nicole！

「訓左未？」Nicole 問我。


「未呀，做咩..？」我覆佢。
「拿，但係講明先呀，我唔要食啲連鎖店或者快餐店呀」耳機傳嚟Rachel嘅聲音。
「嗯...」我覆Rachel，其實我聽唔到佢講咩。
「陪我？」Nicole話。
「你想出嚟？」我覆佢。
「但係我諗諗下，不如都係搵一間嘢食，我驚到時冇位呀..話哂都係星期六晚」Rachel話。
「你而家方唔方便..」Nicole 問。
....我諗左一諗....「可以」我覆Nicole。
「半個鐘之後你屋企樓下等啦～」Nicole話。
「好，一陣見..」我覆佢。


「喂？」Rachel話。
「係..？」我覆Rachel。
「喂吖你有冇聽我講嘢嫁..！」Rachel話。
「....」
「喂...？」Rachel再問。
「..係..」
「你係咪眼訓呀，眼訓就訓啦，我都差唔多了」
「我...唔係眼訓呀..」我覆佢。
「咁你做咩呀..？唔舒服呀？奇奇怪怪咁..」
「..岩岩...佢搵我..」我同Rachel講。
「佢？」
「嗯...Nicole」
「....哦...唔掛得你唔理我啦，原來有另一個女人～」佢講笑咁話。
「sorry呀..岩岩諗緊嘢」
「佢搵你做咩？」


「佢叫我陪佢，問我得唔得閒」我答。
「咁你點答？」
「我....我話左我得閒，一陣出去見佢..」
「哇..你聽日唔洗返工咩？」佢問。
「要呀...但係...我好想見佢..」
「唉～你真係為女死為女亡～」佢笑我。
「...」
「好啦～你去換衫啦～唔好要人地等你！」佢話。
「..嗯..sorry呀無啦啦要收線..」
「傻啦！你等左佢咁耐，佢終於搵返你喎！我呢啲唔重要啦！反正我都要訓了～」
「好啦..！你覺得我一陣應唔應該問佢點解消失左咁耐」我問。
「umm....我覺得都係唔好問好啲」
「點解？」
「因為...如果你對佢嚟講係重要嘅，我諗佢會主動同你講」Rachel話。



究竟 我對佢嚟講 重唔重要？

「咁又係....你講得岩..」
「嗯～係咁啦～你快啲落去啦！」佢話。
「Rachel～」
「嗯？」
「可唔可以比啲勇氣我..」我問。
「點解嘅？..」
「我覺得我真係鍾意左佢」
「...嗯...我一直都知道阿，你想表白！？」佢問。
「我...唔知..但我唔想錯過佢....我好驚佢一走又走幾個月唔搵我..」
「你..諗清楚先好喎..」
「我..唉..，算啦，見步行步」我話。
「加油呀..我撐你嫁！」
「多謝你呀..就算我做左咁多錯嘅嘢，你都撐我？」


「朋友就係就算佢做錯，你都唔會放棄佢～係咪？」佢話。
「嗯！多謝你」好warm...明明我地連見都未見過。
「小事啦！快啲去啦！遲到你就大獲啦！」佢話。
「呼.....好！聽日再搵你～」
「好～等你好消息」

我除左耳機，放低電話，起身打開左房燈。然後我打開衣櫃，搵左一件黑色嘅T恤，一條牛仔短褲。Nicole...究竟點解你有咁大吸引力，令我只係見過你一次..就為左你放棄哂其他女人。定係只不過係我太寂寞...先至鍾意你？


認識一場　如雷雨一閃　就此沒有下文
無憾也覺得是遺憾