因為ex，我決定向全世界嘅女人報仇: 報復心態

一個禮拜後嘅星期五晚。
我半個月前租左呢個單位，本身係想比Surprise Sophia嘅..因為想執好啲傢俬先，加上佢就嚟生日，就諗住佈置下，可惜而家已經唔需要。我冇諗過會突然變左單身，更加冇諗過第一個上我新屋嘅客人係呀婷...。我訓係我張床上面，有啲唔習慣星期五唔同Sophia出去..反而係諗返起嗰晚同呀婷...唉，鳩痕了。

突然間見到ig有個通知：
“sophiaaaa0125 just shared a post” 。因為我仲未熄左佢ig嘅通知，所以佢有post或者Story我都會有通知。你話係咪未放得低？緊係啦大佬，4年嘅感情唔係話放就放。但係，佢會出咩Post？係同我道歉..？同Fd合照..？定無聊post..？係我諗緊佢會post啲咩嘅時候，賢狗wtsapp我。
：「喂..你有冇睇Sophia新post？」
：「未呀，咩料？」。
：「我建議你都係唔好睇好啲..」

好奇心驅使我即刻禁入去，一望......


Sophia笑住同個男仔合照，個頭控到好埋，佢笑得好甜..好似當初同我嘅合照一樣，背景係一間高級餐廳。個男仔我未見過，但我主觀客觀都係咁話，佢肯撚定冇我靚仔。我相信每個有ex嘅男仔（女仔都可能會）都會拎自己嚟同ex嘅男(女)朋友做比較，呢個係一個好自然嘅行為。
「佢點會靚仔過我？有冇搞錯呀你啲眼光。」「肯撚定條仔係有錢仔，唔係貪佢咩呀？」「喂條仔咁撚柒嘅。」等等。大部份分手分得唔好睇嘅男(女)仔，都會睇低佢地嘅現任，然後覺得佢冇左我係佢嘅損失。有人會望到自己ex過得開心就安慰，但係我呢段感情，出軌嘅係佢，我憎佢都嚟唔切。

然後好自然咁你會去睇佢個Tag，佢Tag左個男仔：__smartming。乜撚嘢smart ming，肯定呢個就係呀明，廿幾歲人仲用埋啲on9名。屌，睇個樣三十都嚟緊。我禁左入去個Profile，private 嘅，得一百幾個Follower。我禁返出去，而家先睇到張相個Caption。
：new life, new journey

乜撚嘢new journey，我禁入佢Ig已經delete哂所有我地嘅相，4週年紀念、聖誕、生日、3週年、2週年..、一齊去旅行、1週年、半年、3個月、第一日....全部冇哂。就連佢同我啲Fd一大班人一齊影嘅相都Delete左，一張都冇留低。佢嘅果斷令我好嬲，而我都幾肯定佢背住我同呀明一齊唔只係肉體嘅關係，仲要持續左都唔短時間。我就好似一個單方面付出嘅傻西。原來佢話忙，唔係忙做嘢，係忙住同第二個男人出去。

令我最嬲嘅，係下面嘅Comment。
「好襯！」襯你老母呀，盲撚左？條仔咁柒。


「So sweet! (心心眼)」屌，唔見之前佢同我一齊嘅時候你話我地sweet。
「Sophia姐幾時介紹啲仔仔比我識！！」哼，你搵岩人啦，佢大撚把仔，教你點安心偷食都得呀。
「support u ah！Add oil babe！」佢其中一個姐妹話。點解聽落好似係我做錯？越睇就越撚嬲。有時身邊嘅朋友係唔會care前因後果，唔知點解by default大家都覺得多數分手都係男人錯先，點解就唔可以個女人錯？

係呢個時候，我好想報仇。唔係同個八婆報仇，係有啲變態到覺得所有嘅女人都係唔抵被愛。我唔撚會再相信愛情，反正都係，不如玩盡佢。而我冇睇到嘅，係原來呀婷都有like到Sophia 嘅Post....

當時幼稚嘅我，一心淨係諗住報復。

報復心一但出左嚟，男人好難返轉頭做好男人



「聽日落老蘭？」我send比賢狗。
「星期日得唔得閒？」我send比呀婷。
呀文墮落嘅故事，開始了。要怪，就怪啲仆街女人。

甚麼關於永遠的 都不對