因為ex，我決定向全世界嘅女人報仇: 逃避責任

「喂，咪撚上我張床啦！」賢狗大叫。

賢狗係我中學死黨，mk仔一個，但個人好醒目，女都食唔少。至少點解叫賢狗...因為佢係中學比人嘅感覺就係好狗，加上佢跑步好快，跑起上嚟就成隻狗咁。

「屌..是撚但啦，成個女人咁。」
「晨早流流過嚟搞鳩我。講啦，今次又咩料，比人帽？」
「...」睇嚟無心講笑嘅一句，對我嚟講，又令我諗起Sophia。
「喂..你唔係講真呀..？」
「唉屌..」我重重嘆一口氣。
「嘩..估唔到佢咁撚仆街，你之前帶佢出嚟我仲以為佢係啲乖乖女feel..」


「唉我唔撚知..」我講。
「唉，女走左咪識過個。既然佢咁仆街，你都唔撚洗扮聖人啦，咪鬥仆街囉。」
「屌，呢個就係另一個問題..」
「你都出撚左軌！？」賢狗話。
「理論上...就唔算」
「我聽左啲乜撚嘢...」

呢個時候，手機震左一下、又一下。
“Sophia b” message - now
“Ting” message - now



大撚獲....有冇咁橋..。賢狗都睇到我手機，但我冇較預覽，所以我地睇唔到內容。我個腦開始有啲攰..完全唔想諗佢地會send 啲咩比我睇。
「呀婷係咪你大同？」賢狗問。佢同我唔同大學Grad。
「係呀..」我答。
「食撚左？」
「屌..」
「唉你大撚獲啦，男人最忌食Friend。你預左冇左個Friend未，定預左呀婷做你條女。」
「唉好撚麻煩。」我話。
「抵死啦，最多你比呀婷我幫你搞掂佢。」賢狗笑住講。
「屌你啦！」佢講一講笑我心情冇咁差。


「咁你唔Read？」
「不如你幫我睇..」我講。
我突然間諗起中學嘅時候，公開試放榜嗰日，我都係唔敢睇自己嘅成績表。嗰陣我拎住張嘢去賢狗度叫佢幫我睇。呢幾年好似有煩惱佢都會幫到我咁，因為佢知我係一個好怕麻煩，又有好多嘢唔鍾意去面對嘅人。其實咁樣嘅自己，我都好唔鍾意。

「唉屌囉嚟啦。」佢話。
「拿。」
「.....唉，你自己睇啦。」

Sophia B：「sorry呀Bb，我同呀明真係你諗咁。我地係一時衝動.........」睇到呢度我都唔想再睇落去。佢打左一大篇千字文，大概都係話啲想我原諒佢嘅說話再加啲解釋，同唔知幾多%真幾多%假嘅嘢。我最接受唔到人出軌，反正就算我仲鍾意Sophia，我都知道佢已經比我判咗死刑。令我最擔心嘅，係呀婷嘅回覆。
Ting：「琴晚嘅事..sorry ah..」。好簡潔..簡潔得我唔知要點應..同埋，點解係佢道歉..？而家同時間有兩個女人同我道歉，一個係應該同我道歉但我唔會原諒嘅人，另一個係應該我同佢道歉但佢主動同我道歉嘅人。

「呀婷係個好女仔..」賢狗係我睇緊嘅時候講。
「..我應該點覆..」
「唔好諗住啦，落去食嘢先啦。」
「唉行啦。」



千算萬算，算漏左呀婷係我屋企過夜。咁姐係點？姐係嚟緊嘅場面極度尷尬.....PG家長指引。

「凍檸茶少甜。」我叫。
「err..凍...奶茶，唉唔好，兩杯啦，凍檸茶少甜。」賢狗話。
「靚女幾位呀？」呀姐問。
「一位。」
「一位嗰邊呀。」
點解把聲咁熟面口..？大撚獲.......呀婷..？佢行緊向我地嘅方向。賢狗背住佢，仲未知發生咩事。
「喂有靚女咩？」佢另轉左個頭。
「....算...係啦...」我答。呢個時候，賢狗都見到呀婷。同時間呀婷亦都見到我地，慢慢行左過嚟。
「咁岩呀..」我谷左個微笑出嚟。如果要形容，就係Wtsapp嗰個「尷尬而不失禮貌」sticker個笑容。
「介唔介意..一齊坐？」呀婷問。
「唔介意！坐坐坐。」賢狗答。你條仆街仔..擺明就想食花生睇我柒。然後呀婷坐左係我隔離。
「我地嗌咗嘢食啦，你睇下食咩啦...」我話。



呢餐飯好靜咁食，賢狗都唔敢亂講啲咩，好似等緊我地邊個開聲講嘢先咁。都唔明，佢唔覺得尷尬嫁咩。
「叮」我手機震左下，「叮，叮，叮，叮」再震左好多下。我拎左出嚟，望一望，係Sophia。我冇睇到，即刻較返靜音。然後繼續飲我杯凍檸茶...點解杯嘢咁難飲..明明平時食開唔係咁。
「...佢搵你？」呀婷問。
「.....嗯..」
「哦..」
然後又再靜左。成餐飯我都唔知食左啲咩，只係想快啲走。話說今朝早我出嚟之前，有wtsapp同呀婷講我約左個fd所以走先，叫佢起身就自便。諗返起都好似有啲衰，但奈何我就係一個怕處理感情問題嘅人。可能我同Sophia之間就係咁，出現左好多小問題。問題一日一日增加，而好多時候我都選擇用唔同方法去逃避，或者用一啲治標唔治本嘅方法去處理。久而久之，好多嘢我地都開始唔會去傾。佢約左異性單獨食飯，著好暴露嘅衫返工，夜唔返屋企...以前我地都因為呢啲事而嗌餐死，慢慢我開始覺得好麻煩，然後就避而不談。而家嘅我對佢嚟講，可能只係一個習慣而又熟悉嘅人。

「喂我一陣約左個Fd做gym呀，我差唔多要走，約左2點。」賢狗話。我屌你呀..我心諗。對於我嘅了解，多數係佢死返上屋企再訓過或者打機。
「哦。」我用鄙視嘅目光望住佢。
「咁你地慢慢啦下，喂Payme你。」
「...走啦屎忽鬼！」我話。
之後我同呀婷出左去比錢。佢開頭爭住唔比我幫佢比，但最後我都幫佢比左，主要係出於我嘅歉意。然後佢話漏左嘢係我屋企，所以佢跟左我返上去。

「係呢..琴晚..」一返到屋企佢就問我。


「琴晚我地咩都冇發生過..好冇？」我講。
「哦..嗯..好呀.......發生左啲咩？我唔記得哂啦。」佢扮灑脫咁講。當然我睇得出佢嘅唔開心，只不過我冇勇氣去面對佢嘅感情。一嚟我對佢又唔係真係有feel，二嚟我唔想未放低一個人就開始一段關係。加上...佢係我好朋友。
「好啦..咁..我返去先啦。」呀婷講。
「嗯，小心啲啦～掰掰。」
「掰～」

呼..我鬆一口氣。如果呀婷做我女朋友好似都唔錯..一嚟樣靚..二嚟人又好。唉，我又亂諗啲咩。我拎起部手機，打開Wtsapp，send左個Message比呀婷：
「唔洗道歉呀..你都冇做錯。」
「咩呀？唔明你講咩，琴晚我返左屋企訓嘛～」呀婷秒覆我。
「Haha ok，下次再飲啦！」
「好吖～下次再約。」

當解決左呢件事，Sophia 嘅嘢我唔想諗。睇到呢度可能你會覺得好正，食左個靚女fd又唔洗負責任。我同你講，你以為啦...

亂了我的一切 逃避你的消逝


任意覓個 肉身的複製