【校園，籃球，友情故】兩年前，我係個毒撚。今日，我打緊美國高中籃球聯賽。: ~第七章~ 宿舍

由機場去宿舍呢段車程我同Floyd一路吹水，佢好好人，會同我傾下香港現況，會同我傾下屋企人，會同我傾下係Three Hills呢個小鎮嘅生活。 

【以下內容將自動翻譯】
「Floyd，我想問今年宿舍有幾多個香港人？」
我好奇問。 

「男宿舍嘅話Grade 9 有一個，Grade 10 有六個，Grade 11 有五個，Grade 12 有一個」 

WTF。
淨係男仔已經有13個香港人。

唔係話呢到偏僻架咩，何來咁鬼多香港人！？ 

想著想著就睡著了... 

大約半個鐘後Floyd叫醒左我  

正當我以為終於到宿舍嘅時候，Floyd同我講 
「Ming你望下個天」 

壯觀。





北極光。 

「呢到唔係加拿大咩，點解會見到北極光架！？」
我開始懷疑自己究竟係咪係北極。 

「其實呢到時不時都有北極光嘅，但係咁強嘅我都係第一次見」

 好靚。





 我攞部電話出黎諗住影低佢send比屋企人睇，影完我打開電話相簿一望 

哇... 乜都影唔到。

 真係可惜呢個咁靚嘅畫面我淨係可以同個肥佬一齊睇， 如果可以同我生命中最重要嘅人一齊睇，你話幾好... 

上翻車大約15分鐘後我開始見到燈光， 架車一路駛向燈光，不久就開始見到各式各樣嘅獨立屋。 
街道和屋嘅樣貌同我平時Netflix入面見到嘅一模一樣，有種莫名嘅熟悉感。 

「左邊嘅就係校舍啦」
Floyd指住窗口同我講。

 講完之後就向反方向駛
 咩料啊佢係咪兜我路，佢個牌邊度考架，佢會唔會話比人聽我住邊架，真係唔識揸車架wor！ 





「我地唔係去學校咩？」
我忍唔住細細聲問Austin 

「啱啱果度係學校，你上堂就係果到上，宿舍大約離學校10分鐘路程」
Austin答我。 

好彩有個香港人係到幫我。

 落車之後我就拖住兩個gip上宿舍，一入到去就見到一條又暗又長嘅走廊，而家已經係凌晨，所以我地行路講野都要細細聲。

 「你一路行就會見到你房門上面嘅名，宜家好夜架啦，你同房應該訓左，佢係韓國人黎，已經係到讀左一年，你聽日再同佢傾下計啦。」
Floyd用蚊滋咁細聲嘅聲線同我講。 

我一路行一路望住門上面嘅名
「Ryan 」




「Ken」
「Nardo」
「Isaac」
「William」
點解啲名咁公廁嘅...
外國人啲名唔係應該特別啲架咩...

 我再望真少少，咪住。

點解啲姓咁熟嘅
「Seto」
「Leung」
唔係掛... 全部都係香港人？

「Ngan」




連姓顏嘅都有，我究竟係咪仲係香港...

 睡意湧曬上黎，我決定翻房訓個靚覺，聽日慢慢研究。

 行到半路我終於見到自己個名
「Ming Chan, Rex Seok」
 打開房門後見到簡單嘅兩張床，一張書檯，超多櫃。
隔離床有個藍色頭髮嘅韓仔訓到扯曬鼻鼾咁。 

我求其換左套睡衣，攞床單同埋被出黎就訓著左。


加拿大日期2019.8.30

 我9點醒左，可能因為jetlag關係，如果唔係我應該會訓到1點。 





個韓仔仲訓緊，我決定摸索下個宿舍。 

宿舍係L字形走廊，走廊開頭係Floyd嘅office同埋一個Boys Lounge (男宿舍休息室)，沿路走就係一間間嘅房間，有啲門同房門唔一樣，有啲門牌上面除左名之外仲寫住兩個字，RA.  

沿住走廊一路行，經過我間房，一轉彎就見到廚房。

我當時心諗
「有飯堂架嘛，點解會有廚房嘅呢？」

宜家諗翻起，當時實在係太天真了

 經過廚房後又係一間間嘅房，但係呢啲房門上全部都冇名牌，行多幾步我見到走廊盡頭有一道門，由於佢係防火門設計，我唔夠膽推開佢就走左。

 上面好似寫住「Middle Lounge」

 好，探索完，翻房。 

一推開門我聽到一聲
「Hey!」 
個韓仔醒左，睡眼惺忪咁望住我打左個招呼。

 「Good morning… Rex?」
我好驚叫錯佢個名 

「Ya I’m Rex, nice to meet you. You’re Ming right?」
佢用韓式英文問我 

「Yep. Nice to meet you…」
「Are you from Korea?」
我擺到明係明知故問。

 「Ya, you from China?」
佢問翻我 

「Nah. I’m from Hong Kong」
我答佢 

「Wow… another Hong Kong guy」
「But still better than China.」
睇黎佢好憎大陸人。

傾多幾句先發現原來佢之前同房嘅係一個大陸人，仲要完全唔理佢感受，住得好唔舒服。

 講多幾句之後就靜左。 

尷尬囉。

 我一路執嘢嘗試逃避呢個咁尷尬嘅氣氛，眼尾好似隱隱約約見到佢攞牙膏牙刷準備梳洗。

 係wor，廁所係邊架，啱啱探索左甘耐都冇發現嘅... 

【以下內容將自動翻譯】
「你係咪去刷牙啊，介唔介意帶埋我去？」 

「冇問題，走廊入面你會見到兩道特別唔同嘅門，果兩間一間係洗衣房，一間係洗手間同沖涼房。」

 總算搞清楚宿舍嘅設施了，簡單梳洗完我就翻左房繼續執嘢啦。 

我係行李入面攞左個籃球出黎泵氣，究竟邊度有籃球場呢... 幾時校隊選拔呢 

正當我沉醉係我嘅幻想之中，

我聽到有人敲門。