我中出咗副校: 115. 噉就完喇？

話咁快，DSE 即使因疫情延後，都已經完咗，而家都只不過係五月，接近係炒人季節。

雖然我話就係話有份長約啫，但所謂嘅長約唔代表未完約就唔會畀人炒㗎嘛，唔通學校真係咁蝕底咩。

只不過，副校嗰邊都仲係冇動靜，加上我好耐冇親身見過佢哋，所以都好難定斷而家發生緊咩事。

DSE 班考生係點又係唔知，因爲大家都係聚唔到，只係今日當所有科完咗之後，學校話我哋要同學生做啲咩檢討定心理輔導大會喎。

唔知班學生點呢？班女有無邊個考完試之後容光煥發，靚咗索咗？



汲取咗上次嘅教訓，我冇喺電腦度login 啲乜，更加癡住個webcam，唔到開cam嗰下都唔搣，費時畀人見到啲咩。

「呢班就係你班學生嗱？個個都普通樣咋喎。」未開cam嗰陣，呀靜忽然間甕埋嚟，睇吓班學生個樣。

冇咗校服嘅束縛，大家似乎都着返自己最鍾意嘅衫，都叫做係各花入各眼。

我將佢哋啲樣逐個pin出嚟，認真噉望下。當中，最亮目嘅Cherry 面容無話特別憔悴，但我睇得出佢瘦咗，唉，真係陰功囉。

「呢個就係你話靚女嗰個呀？個樣真係幾清秀喎，仲要讀書叻，佢玩嗮啦。」死喇，佢係咪潤緊我呢。



「噉佢都有幾分似你嘅，不過都係你靚女啲。唔講喇，喺時候開cam 講嘢。」

當我以爲呀靜又係會嫌棄我講埋啲咁老套嘅說話嘅時候，佢望住個細細格嘅mon 呆咗。

「做咩呀？」

「冇嘢，應該係我睇錯。」佢個樣有啲愕然，唔知睇咗啲乜噉。

「哦，我開cam喇，你避一避先啦。」我望住佢個疑惑嘅樣。