我中出咗副校: 109. 其實寂寞

「會唔會係你自己認爲人哋係噉諗咋？可能人哋心底裡好關心你呢？我啱啱問佢哋，佢哋仲話要整禮物畀你㗎！」我嘗試安慰Cherry.

「噉佢哋有陣時係幾好嘅，不過喺後面講咗幾多難聽嘅說話，我都有分數嘅。」

「再加埋呀，大家出到去考試，就係一個個對手，唔通你真係覺得大家嘅相處唔會有利益衝突咩？」

「唔緊要啦，其實由細到大我都係一個人。」佢個樣雖然扮到毫不在乎，但把聲就開始震震哋。

「讀書嘅時候，呢啲嘢都係碎料啦，去到做嘢嗰陣先至恐怖呀，個個都係用埋嗮唔同方法博上位。再講吖，大家咪都係得一個人，我平時喺屋企都係對住四幅牆㗎咋。」



見佢咁唔開心，我就將多年嚟見識過嘅唔同上位手段當嗮八卦噉講畀Cherry 聽，而佢聽到啲咁有趣嘅故事似乎都開心返少少。

「有咩事上嚟，記住要出聲呀！喺面對DSE 嘅路上，唔係淨係得你一個嘅！」

「唔，我會畀心機㗎喇。而家都開始天黑喇，不如劉sir 你返屋企先啦！我屋企人好快會嚟。」佢講屋企人三隻字嗰時，好似特別有骨。

「好啦，唔阻住你喇，醫院有咩消息再whatsapp 我啦，拜拜！」

上去搭車之後，我又得返自己一個，去到屋企，又只係得啲功課陪。



點解我哋咁難同身邊嘅人建立深厚嘅感情嘅呢？點解個個都好似呃緊對方，要互相防備嘅呢？

呢個時候，呀靜竟然send message 過嚟。

「聽日8點？」

「好呀」

因爲呢個信息太簡短嘅關係，我一望就望到之前無無聊聊，九唔搭八嘅對話。



老實講，佢本來只係一個同我毫無交集嘅炮友，而以佢嘅職業，我根本就覺得佢會時時刻刻喺度sell 基金，甚至氹人落搭。

雖然佢同我越嚟越熟，又冇sell 我買啲咩基金，就好似普通朋友相處，但噉樣先係最奇怪㗎。

佢究竟係咪呃緊人？

某程度上，我啲疑心真係好鬼重，邊叫而家啲人，特別係啲女人咁蠱惑吖。