我中出咗副校: 97. 淪落人

呢一剎，我終於認出自己喺邊度見過呢個眼神喇。

喺嗰日同副校去club 嗰個女仔。

嗰個唔情願，被逼嘅眼神。

我唔知點解佢要作賤自己，但見到噉樣嘅境況，我都不禁有啲心噏。

但係我又有無資格話佢同啲客有不倫嘅關係喎，睇吓我同副校先啦。



明明佢都做到director 啦，點解仲要拋個身出嚟？

我又係，做人有乜理由做到畀個老細食住上咁折墮？

究竟人爲咗份工可以去到幾盡？

嗰一下，我的確係感受到佢嗰種難受，同時因爲打工而深植心底嘅奴性又開始反駁自己。

「搵食啫？犯法呀？」



係，我冇辦法反駁呢句說話，只係覺得點解事情會搞成噉。

只不過，爲咗確保呀靜唔會畀人搞得太誇張，我都係留喺原地，一路望住成個過程。

宴會完喇，佢亦被釋放，鬆一鬆口氣。

「幾好，翻完工喇，一齊食宵夜？」佢擺出個輕鬆嘅心情，笑意盈盈。

「好啊。」或者我哋得返食宵夜嘅自由啩。