我中出咗副校: 76. 久違嘅旅行

因爲我係領隊嘅關係，就要最早，啫係六點半到，所以就要一大朝拎住輕便嘅喼，上去最早嗰㗎機場巴士去到機場。

雖然身邊嘅係學生，呢個所謂「旅行」其實同公幹冇分別，但對於5年冇去機場嘅我，有得搭飛機已經好開心。

想當年自己第一次搭飛機就係爲咗去美國搵雯雯，真係諗起都覺得自己戇鳩。

去到客運大樓，一個着住貼身牛仔褲，鬆身T shirt 嘅女仔已經企咗喺大大個喼隔離等緊。

Miss Chan 有揸車，怪唔得知可以噉早到啦。



貼身嘅牛仔褲既可以切合學校要求，唔似緊身褲咁緊，同時又貼喺纖瘦嘅長腿上面，加上高腰設計，話佢係model 身形都不爲過。

「劉sir,你嚟咗喇？呀Miss Wong 佢仲未到喎！」

所謂嘅Miss Wong根本就未係Miss，只係學校爲咗慳成本請嚟任勞任怨嘅TA 仔。

雖然個樣普通咗少少，但係至少係女人啦。

學校外判嗰個旅行團領隊就係男嘅，不過係廿零歲，好後生嗰啲fg，帶住副黑框眼鏡，睇怕都係鹹濕仔。



是但啦，呢個都係個五日四夜團，仲要係關IT, econ 事，先得嗰四十人，四個人啱啱好對學校嚟講就夠嗮數。

「你哋食唔食早餐呀？我可以攞份外賣過嚟喎！」Miss Chan 主動提出。

「不如就麥記啦，啱啱睇過，好似得佢有開。」領隊提出。

冇計啦，機場啲鋪又畀濕鳩政府拆嗮，仲要入面全部都係藍店，麥記都係焗住食嘅啫。

「好呀，但我哋使唔使等埋Miss Wong 先？同埋我哋兩個去買會唔會好啲？」叫佢一個女仔買幾份早餐畀我哋兩個男人好似唔太好嘅。



「係呀，費事Miss 你辛苦吖嘛。」條友仔擺明就係候住Miss Chan，想去獻殷勤啦。

「領隊呀，你唔係要去攞機票咩？我最得閒，不如我去買啦。」我提議道。

「係囉！我同你一齊搞埋機票嗰啲嘢啦！」Miss Chan 竟然噉講。

「噉你哋想食啲咩呀？」死喇，製造咗機會畀佢哋獨處添。

「豬柳蛋漢堡呀！」

「咦，我都想食喎！就兩個豬柳蛋啦！」呀領隊講。

「幾好呀，我都想食，就三個豬柳蛋，你哋一陣間畀返錢我啦。」

我不忿地離去。



見到索女畀啲噉嘅狗公搞，簡直就係冇眼睇。