我中出咗副校: 69. 一齊

「哦，咁你搭42c 啱㗎喇，架車3分鐘後會到。」

「你又會知嘅，好勁喎！」佢雖然未驚歎到吳若希嗰啲「巧犀利呀」咁誇張，不過呢個精靈嘅表情襯喺佢身上好有一種女朋友嘅感覺。

「邊係呀，純粹我咁啱都係搭呢架啫。」要扮謙虛，當然要chok 翻個平淡啲嘅樣啦。

但事實上，任何男人比個靚女讚嘅話，就算係啲好無聊嘅嘢，心裏面都會泛起一絲絲漣漪嘅。

我麻甩佬一個，係就係見慣大風大浪，但對住啲女人，我可謂無力招架呀。



當我沉醉喺自己嘅小世界嗰陣，隔離響起相機快門嘅聲響。

「咔嚓——」原來佢攞住部電話影緊而家個景。

「你鍾意影相㗎？」我主動岔開話題。

「唔算啦，不過我鍾意將啲靚嘅風景記錄落嚟。你睇吓！」佢將啱啱影嘅夕陽相show 咗畀我睇，而相冊入面全部唔係文件就係風景相，一張自拍都無。

咁又係嘅，真正嘅靚女係唔需要好似啲豬扒咁成日自拍嘅。



我最憎就係啲執到變曬形嘅自拍相㗎喇，仲記得嗰次約炮友中伏到呢……

「又真係幾靚㗎喎！」

「咁又係呀，我當初喺度讀都係貪呢度啲風景夠靚咋！」

頂，呢句說話只有有錢人先講得出囉，我嗰個年代呢，呢間咁嘅學校已經係貴族學校level，我呢啲窮閪就望塵莫及嗰隻喇。

「哈哈，我都聽過有學生咁同我講喎。呀！有車喇！」我望住前面轉移視線。



架巴士唔算太多人，不過都係要企咁解。

我揸住扶手企喺中間，佢就企咗喺傷殘位嗰度，四目交投。