我中出咗副校: 68. 夕陽下的車站

屌！嚇撚死人咩？

因爲做緊啲唔見得光嘅嘢嘅關係，我下意識畀佢嚇咗一嚇，只不過，呃人嘅第一步首先係要扮淡定。

「係，Miss Chan，你都做到咁晏嘅？其他人放嗮工喇喎！」佢又唔知excel 原本個分唔係咁，使乜怕佢睇啫。

「冇啊，同你一樣喺度入緊分咋嘛！而家先六點幾，唔係好晏啫！」佢微笑住回應。

今日佢著嘅係件貼身嘅上衣加條闊嘅西褲，雖然冇得睇腳，但至少有得睇波。



「咁又係，我都習慣喺度做到六點半，冇咁塞車吖嘛。係其他同事鍾意早走，翻到屋企先做嘢啫。」

「咁啱嘅？我都係喎！」佢個樣冇平時對住班學生咁cool.

「其實我都就嚟做完嘢喇，不如一齊落去搭車啦！」佢主動提出。

「哦，好呀。」

我急急腳執埋啲嘢就同佢行出學校。



因爲學校實在係太格涉嘅關係，門口位只係得個容納到幾個人嘅巴士站以及一個露天嘅小巴站，望住繁忙嘅龍翔道。

夕陽嘅餘暉映照住巴士站，因爲我哋喺山腳嘅關係，整個天空變得一覽無遺。

如果去到學校一樓咁高嘅話，仲可以可以俯瞰成個香港，一路望到出金鐘。

「你唔係揸車嘅咩？點解一齊嚟搭巴士嘅？」

「冇啊，平時架車唔係我嘅，所以而家咪要搭巴士囉。」佢語帶無奈，雖然冇直接講架車係邊個嘅，但正常人都應該估到。



「明嘅。咁你搭邊架車呀？呢度好似冇車可以直去你嗰頭喎！」你知㗎啦，宜家啲有錢女分分鐘連巴士都唔識搭。

「誒......我多數搭地鐵㗎喎，呢度真係唔係好熟，仲有，我唔係返屋企......」佢個樣有些小疑惑，就好似啲學生唔識答問題嗰款咁趣致。

「咁你去邊度呀？」我咪盡下人事幫下人囉。

「我去......九龍灣！」

又會咁啱得咁橋嘅？