我中出咗副校: 55. 火辣約會

佢約咗我去一間中價位嘅日本餐廳，完全同嗰啲港女鍾意食嘅款一模一樣。

我一到達餐廳，已經見到佢嘅倩影，靜靜地坐咗喺卡位入面。

冷氣嘅涼風輕輕拂過佢輕柔嘅秀髮，將嗰浸誘人嘅香水味散發開去。

只不過，佢冇因爲冷氣而覺得凍，而係着咗件貼身嘅短袖上衣，加翻條A 字短裙，將佢姣好嘅姿態顯露於人前。

短袖嘅上衣雖然貼身，將佢嘅34D 展現出嚟，但衣領就冇落到好低去賣弄性感，只係去到鎖骨位置，而頸鍊亦都點綴住佢誘人嘅深邃鎖骨。



四十一寸長腿再冇被黑絲包覆住，而係赤裸裸地展示出嚟。佢翹起雙腿，着住對貼地嘅平底鞋，把玩住嗰隻鞋，間唔中就可以見到佢柔滑嘅腳板底。

今日佢只係作素雅嘅裝扮，冇特別化得好濃妝，配合翻佢本身嘅年齡，更加予人一種女朋友嘅感覺。

青眉如黛，巧笑嫣然，娉婷嘅模樣，加上衣香鬢影，平實又夢幻嘅氣質，恍如現代版嘅綺夢。

18度嘅冷氣都無阻我耳根發紅，心跳加速，身體嘅血流更加由腦部衝嗮落去。

「你凍唔凍呀？」我諗唔到講乜嘢。



「唔凍呀，同埋我有帶褸。」佢微笑回應。

見到靚女嗰陣，我啲IT 狗毒撚格又出翻嚟喇。究竟有咩好講呀？？

dead air 咗一秒之後，佢噗哧一笑，就講：「嗌嘢食啦，好唔好呀？」

嗌完嘢食之後，我繼續諗唔到嘢講，唯有講返學校啲嘢。

「係喎！遲啲我哋科好似會同你哋科有啲跨學科嘅研習運動，遲啲應該好多機會合作喇喎！」我求其講。的確，作爲科主任嘅我哋遲啲可以日對夜對喇。



「係喎，你唔講我都唔記得添。係喇，聽講你都有份跟嗰個韓國IT遊學團因爲負責嘅老師走咗，所以會搵人頂上喎。你有冇興趣呀？」佢問。

佢咁問咁同直接叫我去有咩分別？雖然帶團呢啲嘢真係辛苦到極點，但諗起有得同有份去嘅Cherry, 仲有眼前嘅Miss Chan一齊去外遊，我就即刻覺得抵翻嗮喇。

「我有同上面推薦你㗎！話嗮個籌劃過程你都有份㗎嘛！你應該要有翻啲回報㗎！」唔通佢都想日日對住我？

「哦！咁其實跟下遊學團都冇壞嘅，我又唔似你咁開心，年年有得帶團，之前都未試過做呢類型嘅帶隊老師。」係呀，嗰班miss 恃住性別優勢同埋有權有勢嘅關係，年年都有得去嗰啲咩冰島呀，內蒙古呀，歐洲極奢華嗰啲遊學團，我哋啲呀sir 就做嗮投標，plan 行程嗰啲辛苦工作，一次都冇去過呢啲地方，真係特別慘。

「多謝你向上面推薦我呀。不過我宜家暫時未收到消息住呀，遲啲有嘅話比你聽呀。」

「好呀。」

「我多謝你上次送我返屋企就真。希望嗰次冇嚇親你啦！」佢笑嗰陣，隻眼就好似識發電咁迷得人神魂顛倒。