我中出咗副校: 54. BBQ 結局

一日後，校長已經引咎辭職，仲好似移埋民，而李sir 嗰篇匿名報導已經出咗，多咗好多網民爲佢抱不平，亦都已經有律師主動聯絡佢，話可以幫佢打官司。

只不過，李sir 竟然冇去告校長，話只係想息事寧人喎。好彩，都有學校肯請佢，算係不幸之中嘅大幸。

我冇諗過事情可以咁快，咁順利地完結，現實就好似跟住一個完美嘅計劃咁樣走。

原本仲幻想緊校長可能後臺夠強， 唔使辭職，仲會同李sir 對簿公堂㗎嘛，點知佢又咁順坦咁着草。

奇喇，明明校長同好多個校董都有啲關係，後臺咁硬，點會話走就走㗎？



之後回望翻呢段歷史，果然，佢哋真係密謀緊一個更加強大嘅陰謀。

雖然學校嘅校譽實在有受挫，只不過，作爲全港最勁嗰幾間女校，多幾件醜聞都係會有咁多人狗衝入嚟讀㗎喇。

有人讀就自然有人工加，好似我呢位人生勝利組咁，學校終於都畀返同我工作量相應嘅人工，仲加埋升職做科主任攞長約嘅關係，人工瞬間由五萬升到七萬幾，只不過份長約都叫做係長咗少少，變咗五年咁解啫。

不過，錢唔係最重要，權力先係。

「喂，劉sir, 恭喜你升職喎，我一早就睇好你㗎喇！」嗰班師奶miss講。



你哋班師奶，以前就串串貢，宜家見你有權有勢就即刻巴結你。

當然啦，男老師羣組裏面嘅各位經過李sir 一役後都團結咗好多，當然都有好多主動同我做friend 啦。

最傷心嘅當然就係前校長派嘅嗰班女權撚啦，宜家又羣龍無首，仲要班校董唔識佢地呢啲低級職員。

咁咪好囉，昔日高竇嘅女女們宜家主動埋我身喇。

「劉sir! 劉 sir」佢哋好似叫春咁叫我個名，有陣時又借啲意掂落嚟，你話靚女都算喇，點知個個都係其貌不揚嘅豬扒。



大佬呀，你哋既然運用唔到美色咪靠實力上位囉，使乜靠我啫。

話嗮我係學校裏面傳得加人工加得最多嘅人，所以都多咗唔少飯約嘅，只不過人怕出名豬怕肥，大部分嘅飯約我都冇出席，除咗一個人。

「Hi, 劉sir, 一齊出嚟食飯？當係多謝你上次送我返屋企，順便賀埋你升職？」

諗起佢對銷魂嘅美腿，我毫不猶疑地應承咗。

我咁大個人，從來都無試過乜嘢都咁順利，仲開心過BBQ 結局㗎！