我中出咗副校: 49. 求救

喺決定留唔留部電話之前，我用自己個facebook 睇吓宜家有幾多人睇咗先。

20萬點擊率，加埋tg, 連登， ig 都有share, 都算係超額完成啦！

我實在不得不慨嘆互聯網嘅威力。

只不過，人怕出名豬怕肥，既然佢條片紅咗，我都係時候掉嗮啲太空咭同電話佢。

呢個時候，就download 翻個facebook 片落部後備電腦加雲端做後備先，真嗰張sd card 就掉咗佢啦，有original copy 喺手未必係好事。



「嘭——」我狠下心腸，將嗰部價值400蚊嘅三叔拆散，再監生啪斷塊底板。

我求其着咗屋企除咗恤衫以外最靚嗰件衫，放個錫紙袋喺袋到，就準備去旺角嘅中同聚會。

街口等巴士嗰個垃圾桶，就攞嚟掉其餘攞嚟留言嘅太空咭啦。

就喺短短嗰半個鐘車程，我部電話徹底比老師group 啲message 轟炸。

冇計啦，個十幾個校長派宜家個老細舐嘢喎，佢哋成班女仲唔騰嗮雞？



只不過，我見到身爲當事人嘅李sir 竟然send whatsapp 比我。

人地老師group 啱啱先話李sir 潛咗水，但佢避嗮全部人都選擇嚟whatsapp 我，真係搞到人有啲感動。

萬一佢知道，搞到佢雞毛鴨血嘅就係眼前呢條友，佢又會點諗呢？

「你見唔見到條片？」佢問。

「見到，你係當事人吖嘛，校長又會打你咁癡線嘅。」



「其實，我比佢逼㗎咋！只不過我一直都唔夠膽同人講........」成件事有趣得多喇。

「咁你有無證據話係比佢迫先？如果唔係你今次真係水洗都唔清！」

「你比我搵下......」

「放心啦，有證據嘅話我一定幫你嘅！」

咁在情在理上，我都應該幫佢嘅，一嚟可以繼續打擊校長，又可以補償翻佢，費時個人咁內疚啦。

我到咗旺角之後，就先喺雞蛋仔檔到掉upload 片嗰張太空咭同sd 咭，之後就去僅餘不多，得翻個袋嘅公共垃圾桶掉埋部爛咗嘅三叔。

好嘢，終於搞掂喇！