我中出咗副校: 6.想做死人咩

好彩，今日可能喺因爲狀態好嘅關係，我趕得切喺小息完之前交起份報告，唔使驚俾佢call入房鬧。 

就係我安然無恙咁捱到放學之際，副校又嚟折磨我喇。 

「Mr Lau, may you please come in?」教員室檯面嗰部電話喺度響。 

我走入副校個office, 只見佢黑口黑面咁啤住我，驚到我底褲都出埋汗。 

「劉sir, 啱啱嗰份report 打得ok 喎！ 不過由幾點你要留意翻，就係........」好彩啫，幾驚又比人省呀！ 



「最後，留意翻我個名係 Miss Teresa Chan, 係 M I S S 唔係 M S，就係咁喇。」乜嘢話？明明ms 係未結婚同結婚都通用，有咩錯呀？ 錯在冇強調佢未結婚？

「好嘅唔該曬副校。咁仲有冇咩嘢要我做？」

 「呀！你咁啱提起我又記得有份內會有份 record 同 report 要交上 EDB，你聽日交喇！我轉頭 email 啲細節比你。」

唉！早知就唔問佢有咩做啦！睇怕冇6，7點都放唔到工㗎喇。 

就咁樣，我一路做到7點， 而教員室亦都剩返我一個，至於副校就係樓下校長辦公室隔離，所以我都唔知佢走咗未。 



不過，我聽啲同事講副校呢嗰工作狂冇7點都唔鐘意離開學校。所以，佢睇怕都係未走㗎喇。 

「鈴鈴鈴——」電話聲傳遍整個空蕩嘅office， 睇嚟咁夜打電話嚟嘅都只得副校㗎咋。

「喂，劉sir? 你仲係度？落一落嚟呀唔該。」佢平時應該用英文嗌人落去㗎，點解佢會講返廣東話嘅？

最恐怖嘅係，佢把聲嘅語氣一反常態，竟然變得溫柔，真係聽到都打冷震。