我中出咗副校: 5.恐怖的副校

「哦！嗰份！仲掙個埋尾，不如我今日放學教比你？」我即刻撳住道氣，好誠懇咁扮自己做咗嗰份聽都無聽過嘅report。

 「但係我講明要宜家交㗎喎？一係小息交喇！仲有，唔該你下次唔好遲入課室。」佢咁講真係搞到人心都離一離㗎！

萬一佢喺班學生面前省我，咁我仲點有面對住班學生？ 

「多謝副校，冇咩事我派埋啲通告先。」我急急腳遠離老師臺。

唉！點解呢間學校要玩埋嗮啲雙班主任制，仲要派個副校嚟做我partner, 擺明係想玩死人啫！ 



「喂！劉sir, 做咩個樣咁煩呀？又俾副校話呀？」平時同我幾熟嘅學生 Cherry， 個樣奸奸地咁講。

「你哋唔好咁多事啦！無事無事！」呢個時候，Cherry 成班friend 似乎都甕埋嚟聽八卦，中間當然都包括其他學生話暗戀我嘅Vanessa啦。

「無事即係有事啦！你講嚟聽吓啦，我哋唔會爆出去㗎！please!」佢哋班八婆，乜嘢八卦都有興趣嘅。

 「quiet girls!!!」副校突然間大嗌。聽到佢又喺度想鬧人咁款，我同班學生都即刻唔夠膽出聲，扮做緊自己嘢。

副校呢個人除咗深受學生懼怕之外，亦都令咁多位老師聞風喪膽。



喺教員室入面，周不時都會見到啲妹妹老師俾副校鬧到喊。

平時對學生最惡嗰個呀sir, 見到佢嬲嗰陣都會即刻好似嗰啲老虎乸隔離嘅小男人咁低頭唔出聲。 

睇怕呢啲老處女，肯定係踏入更年期，又冇愛情滋潤先可以咁醉心工作，又成日咁燥底喺度鬧人。

唉！真係寧得罪小人，莫得罪老女人呀！ 

完咗班務堂之後，我急急腳走翻去教員室做埋嗰份唔知乜鬼嘅report。



你老味，竟然又係內會嗰啲幾十版report，點喺兩個鐘之內做得嗮呀？ 

最慘嘅係，當副校收到啲佢唔滿意嘅嘢之後，佢一定會彈翻轉頭再加個千字文咁鬧人㗎！

就算我唔驚俾女人鬧，都唔想成日俾老細鬧㗎！

呢啲咁嘅死人名校人工係就係高啲，但年年不知唔同幾多老師續約！我呢啲喺呢到撈咗幾年嘅合約老師隨時都要擔驚受怕㗎！